ర‌వితేజ ‘మహా సముద్రం’… తాజా అప్‌డేట్‌

గ‌త ఏడాది సంచ‌ల‌నం ‘ఆర్ఎక్స్ 100’తో ద‌ర్శ‌కుడిగా తొలి అడుగులు వేశాడు అజ‌య్ భూప‌తి. ప్ర‌స్తుతం త‌న రెండో చిత్రానికి సంబంధించిన ప‌నుల్లో బిజీగా ఉన్నాడీ టాలెంటెడ్ డైరెక్ట‌ర్‌. మాస్ మహారాజా రవితేజ హీరోగా తెరకెక్కించ‌నున్న ఈ చిత్రానికి ‘మహా సముద్రం’ అనే టైటిల్‌ను కూడా ఫిక్స్ చేసారు. బౌండ్‌ స్క్రిప్ట్‌తో రెడీగా ఉన్న అజ‌య్‌… త్వ‌ర‌లోనే సినిమాను సెట్స్ పైకి తీసుకుని వెళ్లేందుకు సిద్ధంగా ఉన్నాడట. అయితే… ప్ర‌స్తుతం ‘డిస్కో రాజా’తో రవితేజ బిజీగా ఉండడంతో ఆ సినిమా ఓ కొలిక్కి వచ్చిన తర్వాతే… ఈ చిత్రాన్ని పట్టాలెక్కించే ఆలోచనలో ఉన్నట్టు భోగ‌ట్టా.

అంతేకాదు, ‘ఆర్ ఎక్స్ 100’ ఫేమ్ చైతన్ భరద్వాజ్ స్వరాలు సమకూరుస్తున్న ఈ సినిమాకి సంబంధించి ఇప్ప‌టికే మ్యూజిక్ సిట్టింగ్స్ కూడా ప్రారంభించేసారట‌. ఇందులో భాగంగానే తాజాగా రెండు పాట‌ల‌కు ట్యూన్స్‌ను కూడా కంపోజ్ చేసేసారని టాక్. కాగా, ఈ సినిమాలో ‘రోగ్’ ఫేమ్ ఇషాన్ విలన్‌గా కనిపించనున్నట్టు సమాచారం. ఆనంది ఆర్ట్ క్రియేషన్స్ పతాకంపై పి.కిరణ్ నిర్మించ‌నున్న‌ ఈ చిత్రానికి సంబంధించి మరిన్ని విషయాలు త్వరలోనే అధికారికంగా వెల్లడి కానున్నాయి.

[subscribe]
[youtube_video videoid=zrG2PzmMMR0]