సాయిపల్లవి… ఈ త‌రం ప్రేక్ష‌కుల‌కు పరిచయం చేయ‌న‌క్క‌ర్లేని పేరు. త‌న నృత్యాల‌తో కుర్ర‌కారుని ఫిదా చేస్తున్న ఈ టాలెంటెడ్ యాక్ట్ర‌స్ ఖాతాలో తాజాగా ఓ అరుదైన రికార్డు చేరింది.ఆ వివరాల్లోకి వెళితే… ధనుష్, సాయిపల్లవి జంటగా నటించిన త‌మిళ చిత్రం ‘మారి 2’. గతేడాది డిసెంబర్ 21న విడుదలైన ఈ సినిమా బాక్సాఫీస్ వద్ద ఆశించిన విజయాన్ని అందుకోలేకపోయింది. అయితే… ఈ చిత్రం కోసం ధనుష్, సాయిపల్లవి కలసి నర్తించిన “రౌడీ బేబీ” పాట మాత్రం థియేటర్ల‌లో ప్రేక్షకుల చేత స్టెప్పులు వేయించింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కట్ చేస్తే… ఇప్పుడు ఇదే పాట యూ ట్యూబ్‌లోనూ సంచలనం సృష్టిస్తోంది. అత్యంత వేగంగా 100, 200 మిలియన్ వ్యూస్‌ను సొంతం చేసుకున్న ఈ పాట… 300, 400 మిలియన్ వ్యూస్‌ను కూడా అవలీలగా దాటేసి… ఇప్పుడు దక్షిణాదిన 500 మిలియన్ (హాఫ్ బిలియన్) వ్యూస్‌ను పొందిన తొలి పాటగా రికార్డ్‌ క్రియేట్ చేసింది. అది కూడా యూ ట్యూబ్‌లో అప్‌లోడ్ చేసిన 5 నెల‌ల‌కే ఈ ఫీట్‌ని సాధించ‌డం విశేషం.
హీరో ధనుష్ స్వయంగా రచించిన ఈ పాటను ఆయనతో పాటు డీ అనే గాయని కూడా ఆలపించింది. యువన్ శంకర్ రాజా సంగీతానికి ప్రభుదేవా స్టెప్పులు తోడై… ఈ పాట ఇప్పుడు సౌత్ ఇండియన్ సెన్సేషన్ సాంగ్‌గా చరిత్ర సృష్టించింది. ప్రస్తుతం… సాయిపల్లవి డ్యాన్స్ మూవ్స్‌కి ఫిదా అవుతున్న నెటిజ‌న్ల జోరు చూస్తూ ఉంటే… త్వరలోనే ఈ పాట బిలియన్ క్ల‌బ్‌లో చేరినా ఆశ్చర్యపోనవసరం లేదు.
[subscribe]
[youtube_video videoid=GyLOW3hf-KU]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
