సరిలేరు నీకెవ్వరు మూవీతో రీ ఎంట్రీ

అనిల్ రావిపూడి దర్శకత్వంలో GMB ఎంటర్ టైన్ మెంట్, శ్రీ వెంకటేశ్వర క్రియేషన్స్, AK ఎంటర్ టైన్ మెంట్స్ బ్యానర్స్ పై సూపర్ స్టార్ మహేష్ బాబు హీరోగా సరిలేరు నీకెవ్వరు మూవీ ప్రారంభమైన విషయం తెలిసిందే. సక్సెస్ ఫుల్ హీరోయిన్ రష్మిక మందన్న కథా నాయిక. ఈ మూవీ లో లేడీ సూపర్ స్టార్ విజయశాంతి ఒక కీలక పాత్రలో నటిస్తున్నారు. హీరో ఫ్రెండ్ మదర్ క్యారెక్టర్ లో విజయశాంతి నటిస్తున్నారని సమాచారం.

కమర్షియల్ మూవీస్ లో సక్సెస్ ఫుల్ హీరోయిన్ గా వెలుగొందిన విజయశాంతి, లేడీ ఓరియెంటెడ్ మూవీస్ లో నటించడం ప్రారంభించారు. విజయశాంతి నటించిన కర్తవ్యం మూవీ ఘనవిజయం సాధించింది. కర్తవ్యం మూవీ కి బెస్ట్ యాక్ట్రెస్ గా నేషనల్ అవార్డ్ అందుకున్నారు. ఒసేయ్ రాములమ్మా మూవీ లో అద్భుతం గా నటించిన విజయశాంతి బెస్ట్ యాక్ట్రెస్ గా నంది, ఫిల్మ్ ఫేర్ అవార్డ్స్ సొంతం చేసుకున్నారు. 2006 సంవత్సరం నాయుడమ్మ సినిమాలో నటించిన విజయశాంతి తరువాత రాజకీయాలలో ప్రవేశించారు. 13 సంవత్సరాల తరువాత విజయశాంతి సరిలేరు నీకెవ్వరు మూవీ తో రీ ఎంట్రీ కావడం విశేషం.