మహేష్, అనిల్ రావిపూడి మూవీ అప్‌డేట్‌

సూపర్ స్టార్ మహేష్ బాబు, సక్సెస్‌ఫుల్ డైరెక్టర్ అనిల్ రావిపూడి కాంబినేష‌న్‌లో ఓ సినిమా రాబోతున్న‌ విషయం తెలిసిందే. హిలేరియ‌స్ ఎంట‌ర్‌టైన‌ర్‌గా తెర‌కెక్క‌నున్న ఈ చిత్రాన్ని ‘దిల్’ రాజు స‌మ‌ర్పణ‌లో అనిల్‌ సుంకర నిర్మించనున్నాడు. ప్రస్తుతం ప్రీ ప్రొడ‌క్ష‌న్ వ‌ర్క్ జరుపుకుంటున్న ఈ క్రేజీ ప్రాజెక్ట్‌కి ‘సరిలేరు నీకెవ్వరు’, రెడ్డిగారి అబ్బాయి అనే టైటిల్స్ ప‌రిశీల‌నలో ఉన్నాయి.

ఇదిలా ఉంటే… ఈ చిత్రాన్ని సూపర్ స్టార్ కృష్ణ పుట్టిన రోజు సందర్భంగా మే 31న పూజా కార్యక్రమాలతో ప్రారంభించనున్నార‌ని స‌మాచారం. అలాగే… జూలై 26 నుంచి రెగ్యుల‌ర్ షూటింగ్ ప్లాన్ చేస్తున్నార‌ని తెలిసింది.

కాగా… ఈ సినిమాలో మహేష్‌కు అమ్మ పాత్రలో రమ్యకృష్ణ న‌టించ‌నుండ‌గా… అత్త పాత్రలో విజయశాంతి కనిపించనున్నట్టు తెలుస్తోంది. భారీ కాస్టింగ్‌తో తెర‌కెక్క‌నున్న ఈ క్రేజీ ప్రాజెక్ట్‌కు సంబంధించి మరిన్ని విషయాలు త్వరలోనే అధికారికంగా వెల్లడి కానున్నాయి. 2020 సంక్రాంతికి మ‌హేష్26 ప్రేక్ష‌కుల ముందుకు రానుంది.

[subscribe]

[youtube_video videoid=bNxospg7aL4]