`రూల‌ర్‌`గా బాల‌కృష్ణ‌?

ఒక‌ప్పుడు తెలుగు టైటిల్స్‌తోనే అల‌రించిన నంద‌మూరి బాల‌కృష్ణ‌… ఈ మ‌ధ్య కాలంలో ఇంగ్లీష్ టైటిల్స్ పై ఫోక‌స్ పెడుతున్నారు. ‘లెజెండ్‌’, ‘ల‌య‌న్’, ‘డిక్టేట‌ర్’… వంటి ఇంగ్లీష్‌ టైటిల్స్‌తో అభిమానుల‌ను ఆక‌ట్టుకున్నారు బాల‌య్య. అంతేకాదు… త‌న అప్‌క‌మింగ్ మూవీకి కూడా ఇంగ్లీష్ టైటిల్‌నే ఫిక్స్ చేసిన‌ట్లు టాలీవుడ్ టాక్‌.

ఆ వివరాల్లోకి వెళితే… బాలకృష్ణ, ద‌ర్శ‌కుడు కె.ఎస్.రవికుమార్ కాంబినేషన్‌లో ఓ సినిమా తెరకెక్కబోతున్న విషయం తెలిసిందే. ఈ చిత్రానికి ‘రూలర్’ అనే టైటిల్‌ను అనుకుంటున్నట్టు తెలుస్తోంది. ఈ టైటిల్ అయితేనే ఈ సినిమాకు యాప్ట్‌గా ఉంటుందని దర్శక నిర్మాతలు భావిస్తున్నారట. అంతేకాదు… ఈ సినిమాలో బాలయ్య లంచగొండి పోలీస్ అధికారిగా నెగటివ్ టచ్ ఉన్న పాత్రలో నటిస్తున్నట్టు సమాచారం.

ఇప్పటికే పూర్వ నిర్మాణ పనులను పూర్తి చేసుకున్న ఈ సినిమా… ఈ నెల 17న పూజా కార్యక్రమాలతో ప్రారంభం కానుంది. జూన్ నుంచి సెట్స్ పైకి వెళ్లనున్న ఈ చిత్రాన్ని నాలుగు నెలల్లో పూర్తి చేయాలని బాలయ్య భావిస్తున్నట్టు తెలుస్తోంది. కాగా.. ఈ సినిమాని సి.కళ్యాణ్ నిర్మిస్తుండ‌గా… చిరంత‌న్ భ‌ట్ సంగీత‌మందిస్తున్నాడు. గతంలో బాల‌య్య‌, ర‌వికుమార్‌, సి.క‌ళ్యాణ్, చిరంత‌న్‌ కలయికలో వచ్చిన ‘జై సింహా’ ఘనవిజయం సాధించడంతో… తాజా సినిమాపై కూడా భారీ అంచనాలు నెలకొన్నాయి. ఈ చిత్రానికి సంబంధించి మరిన్ని వివరాలు త్వ‌ర‌లోనే వెల్లడి కానున్నాయి.

[subscribe]
[youtube_video videoid=x_qQziabWAs ]