మహానటుడు స్వర్గీయ యన్.టి.రామారావు, జానపద బ్రహ్మ బి.విఠలాచార్య కలయికలో పలు జానపద చిత్రాలు రూపొంది ఘ‌న‌విజ‌యం సాధించాయి. వాటిలో ‘గండికోట రహస్యం’ ఒకటి. “ప్రజలే ప్రభువులు” అన్న మహోన్నతమైన సందేశంతో తెరకెక్కిన చిత్రమిది. య‌న్టీఆర్ ద్విపాత్రాభినయం పోషించిన ఈ సినిమాలో జయలలిత, దేవిక క‌థానాయిక‌లుగా నటించారు. డి.వి.యస్.ప్రొడక్షన్స్ పతాకంపై ప్ర‌ముఖ నిర్మాత డి.వి.యస్.రాజు నిర్మించిన ఈ చిత్రంలో రాజనాల, మిక్కిలినేని, రాజబాబు, అల్లు రామలింగయ్య, హేమలత, రమాప్రభ, ప్రభాకర్‌ రెడ్డి తదితరులు ఇతర ముఖ్య భూమికలను పోషించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
య‌న్టీఆర్ ఆస్థాన సంగీత దర్శకుడు టి.వి.రాజు స్వ‌ర‌ప‌రిచిన బాణీల‌న్నీ విశేషాద‌ర‌ణ పొందాయి. ముఖ్యంగా “మరదలపిల్లా ఎగిరిపడకు”, “నీలాల నింగి మెరిసిపడే నిండు చందురుడా”, “తెలిసింది తెలిసింది అబ్బాయిగారు” పాటలు అప్ప‌ట్లో సంచ‌ల‌నం సృష్టించాయి. ఆసక్తికరమైన విషయమేమిటంటే… ఈ మూడు పాటలు కూడా సి.నారాయణరెడ్డి కలం నుంచి జాలువారినవే కావ‌డం విశేషం. 1969 మే 1న విడుదలైన ‘గండికోట రహస్యం’… నేటితో 50 వసంతాలను పూర్తి చేసుకుంది.
‘గండికోట రహస్యం’ – కొన్ని విశేషాలు:
- య‌న్టీఆర్ – విఠలాచార్య- డి.వి.యస్.రాజు కాంబినేషన్లో
మంగమ్మ శపథంవంటి జ‌న‌రంజ‌క జానపద చిత్రం త‌రువాత వచ్చిన మ‌రో స‌క్సెస్‌ఫుల్ ఫోక్‌లోర్ మూవీగండికోట రహస్యం. - య‌న్టీఆర్, విఠలాచార్య కలయికలో వచ్చిన ఏడో చిత్రమిది. అంతకుముందు ఈ కలయికలో ‘బందిపోటు’, ‘అగ్గిపిడుగు’, ‘మంగమ్మ శపథం’, ‘అగ్గిబరాటా’, ‘పిడుగు రాముడు’, ‘చిక్కడు దొరకడు’ వంటి విజయవంతమైన చిత్రాలు తెరకెక్కాయి.
- య‌న్టీఆర్, జయలలిత జంటగా నటించిన ఐదో సినిమా ఇది. ఈ చిత్రానికంటే ముందు ఈ జంట ‘గోపాలుడు భూపాలుడు’, ‘చిక్కడు దొరకడు’, ‘బాగ్దాద్ గజదొంగ’, ‘కథానాయకుడు’ వంటి సినిమాలతో ప్రేక్షకులను అలరించింది.
- య‌న్టీఆర్, నిర్మాత డి.వి.యస్.రాజు కాంబినేషన్లో వచ్చిన నాలుగో సినిమా ‘గండికోట రహస్యం’. అంతకుముందు య‌న్టీఆర్ హీరోగా ‘మంగమ్మ శపథం’, ‘పిడుగు రాముడు’, ‘తిక్క శంకరయ్య’ వంటి చిత్రాలను నిర్మించారు డి.వి.యస్.రాజు. ఈ నాలుగు చిత్రాలకు టి.వి. రాజు సంగీత దర్శకుడు కావ‌డం విశేషం.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
