ఫైనల్లీ అర్జున్ సురవరం కు రిలీజ్ డేట్ ఫిక్స్

ఎట్టకేలకు అర్జున్ సురవరం సినిమాకు రిలీజ్ డేట్ ఫిక్స్ చేశారు చిత్రయూనిట్. నిజానికి ఈ సినిమా ఈరోజు ప్రేక్షకుల ముందుకు రావాల్సి ఉంది. కానీ హాలీవుడ్ మూవీ అవెంజర్స్ ఎండ్ గేమ్ ఎఫెక్ట్ వల్ల చివరి నిమిషంలో ఈ సినిమా రిలీజ్ ను వాయిదా వేసుకోవాల్సివచ్చింది. ఫైనల్ గా ఈనెల 17వ తేదీన అర్జున్ సురవరం సినిమా రిలీజ్ డేట్ ను ఫిక్స్ చేశారు.

కాగా టి.ఎన్ సంతోష్ దర్శకత్వంలో తెరకెక్కిన ఈసినిమాలో నిఖిల్‌ సరసన లావణ్య త్రిపాఠి హీరోయిన్ గా నటిస్తోంది. బి. మధు సమర్పణలో మూవీస్ డైనమిక్స్ ఎల్ఎల్పీ &ఔరా సినిమాస్ ప్రైవేట్ లిమిటెడ్ బ్యానర్స్ పై రాజ్ కుమార్ ఆకేళ్ల , కావ్య వేణుగోపాల్ ఈ సినిమాను సంయుక్తంగా నిర్మించారు. సామ్ సిఎస్ సంగీతం అందిస్తున్నాడు. ఈచిత్రం యొక్క థియేట్రీకల్ హక్కులను ఏషియన్ సినిమాస్ సొంతం చేసుకుంది.

మరి కోలీవుడ్ సూపర్ హిట్ మూవీ ‘కనితన్’ కి రీమేక్ గా ఈ సినిమాను తెరకెక్కించారు. అక్కడ సూపర్ హిట్ అయిన ఈసినిమా ఇక్కడ ఎంత వరకూ సక్సెస్ అవుతుందో చూద్దాం..

[subscribe]

[youtube_video videoid=nnl_cL9PZ8U]