కాంచన రీమేక్ కు ఇంట్రెస్టింగ్ టైటిల్

లారెన్స్ రాఘవ స్వీయ దర్శకత్వంలో తెరకెక్కిన ముని సినిమా.. దాని సీక్వెల్ లో వచ్చిన కాంచన, గంగ సినిమాలు ఎంత ఘన విజయం సాధించాయో తెలుసు. ఇక ఇటీవల ఈ సీక్వెల్ ను కొనసాగిస్తూ వచ్చిన కాంచన 3 సినిమా కూడా బాక్సాఫీస్ వద్ద సక్సెస్ ఫుల్ గా రన్ అవుతుంది. ఇదిలా ఉండగా లారెన్స్ కాంచన చిత్రాన్ని హిందీలోను రీమేక్ చేస్తున్న‌ట్టు వార్త‌లు వ‌చ్చిన సంగ‌తి తెలిసిందే.

ఈ రీమేక్ లో అక్షయ్ కుమార్, కియారా అద్వాని హీరో హీరోయిన్లుగా నటిస్తున్నారు. అయితే ఈ సినిమాలో పవర్ ఫుల్ పాత్ర అయిన శ‌ర‌త్ కుమార్ పాత్ర కోసం ప‌లువురు ప్ర‌ముఖ బాలీవుడ్ హీరోల‌తో చర్చలు జరుపుతున్నాడట లారెన్స్. త్వరలోనే ఈ సినిమా సెట్స్ మీదకు వెళ్లనున్నట్టు తెలుస్తోంది. కాగా తాజా సమాచారం ప్రకారం ఈ రీమేక్ కు ఓ ఇంట్రెస్టింగ్ టైటిల్ ను పెట్టినట్టు టాక్స్ వినిపిస్తున్నాయి. ‘లక్ష్మీ బాంబ్’ అనే టైటిల్ ను ఫిక్స్ చేశారట. అయితే దీనిపై అధికారిక ప్రకటన రావాల్సిందే.

మరి 2011లో తెలుగు, త‌మిళ భాష‌ల‌లో విడుద‌లైన ఈ చిత్రానికి మంచి ప్రేక్ష‌కాద‌ర‌ణ ల‌భించింది. మరి హిందీలో ఈ సినిమా ఎంత సక్సెస్ అవుతుందో చూద్దాం.

[subscribe]

[youtube_video videoid=9xGLD-XIEq8]