అర్జున్ సురవరం కు తప్పని కష్టాలు

నిఖిల్ అర్జున్ సురవరం సినిమాకు ఒకదాని తరువాత ఒకటి ఇబ్బందులు తలెత్తుతూనే ఉన్నాయి. అప్పుడెప్పుడో షూటింగ్ పూర్తి చేసుకున్న ఈసినిమాను ఇంతవరకూ రిలీజ్ కు నోచుకోలేదు. మొదట్లో సినిమా టైటిల్ వివాదం… దాంతో టైటిల్ ను మార్చుకోవాల్సి వచ్చింది. ఆ తరువాత రిలీజ్ డేట్ ను కూడా మార్చుకున్నారు. ఎన్నోసార్లు వాయిదా వేసుకున్న తరువాత ఎట్టకేలకు ఇటీవల మే 1 న ఈ చిత్రాన్ని విడుదల చేయనున్నామని ప్రకటించారు.

అయితే ఇప్పుడు ఈ రిలీజ్ కూడా వాయిదా వేసే ఆలోచనలో ఉన్నట్టు తెలుస్తోంది. రేపు అవెంజర్స్ ఎండ్ గేమ్ భారీ స్థాయిలో రిలీజ్ అవుతుండడంతో ఈ సినిమాకు అనుకున్న రేంజ్ లో థియేటర్లు దొరకడం లేదట. దాంతో సినిమా విడుదలను వాయిదా వేసినట్టు తెలుస్తోంది. అంతేకాదు.. ఈరోజు జరగాల్సిన ట్రైలర్ లాంచింగ్ ఈవెంట్ ను కూడా రద్దు చేసుకున్నారు. ఇక ఈవిషయాన్ని నిఖిల్ ఓ లేఖ ద్వారా తెలిపాడు. ఈసినిమా విడుదల మరో సారి వాయిదాపడింది అనే విషయం బాధపెట్టినా.. డిస్ట్రిబ్యూటర్ల నిర్ణయాన్ని గౌరవిస్తానని నిఖిల్ తెలియజేశాడు.

కాగా టి.ఎన్ సంతోష్ దర్శకత్వంలో నిఖిల్‌, లావణ్య త్రిపాఠి హీరో హీరోయిన్లుగా నటించిన ఈ సినిమాను తమిళ సూపర్‌ హిట్ కనితన్‌కు రీమేక్‌గా తెరకెక్కించారు. బి. మధు సమర్పణలో మూవీస్ డైనమిక్స్ ఎల్ఎల్పీ &ఔరా సినిమాస్ ప్రైవేట్ లిమిటెడ్ బ్యానర్స్ పై ఈ సినిమాను నిర్మించారు. మరి ఈ సినిమా ఎప్పుడు రిలీజ్ కు నోచుకుంటుందో చూద్దాం.

[subscribe]

[youtube_video videoid=nnl_cL9PZ8U]