రాజ్ తరుణ్-దిల్ రాజు కొత్త సినిమా ప్రారంభం

ఉయ్యాలా జంపాల సినిమాతో తెలుగు సినీ ఇండస్ట్రీలోకి అడుగుపెట్టిన రాజ్ తరుణ్.. కెరీర్ స్టార్టింగ్ లో వరుస విజయాలను అందుకుంటూ మిగిలిన యంగ్ హీరోలకు గట్టి పోటీనే ఇచ్చాడు. అయితే గత కొద్దికాలంగా మాత్రం సరైన హిట్ లేక సతమతమవుతున్నాడు ఈ యంగ్ హీరో. దీంతో చాలా కాలం నుండి ఒక్క సినిమాను కూడా పట్టాలెక్కించలేదు. ఈ నేపథ్యంలోనే గత కొంత కాలంగా దిల్ రాజు ప్రొడక్షన్ లో ఓ సినిమా తెరకెక్కుతున్నట్టు వార్తలు వచ్చిన సంగతి తెలిసిందే.

అయితే తాజా అప్ డేట్ ఏంటంటే ఈ సినిమా ఈ రోజు ఉదయం పూజా కార్యక్రమాలను జరుపుకుంది. అంతేకాదు.. ‘ఇద్దరి లోకం ఒకటే’ అన్న టైటిల్ ను కూాడ ఫిక్స్ చేశారు. పూజా కార్యక్రమాల అనంతరం ఈ సినిమా స్క్రిప్ట్ ను రచయిత విజయేంద్రప్రసాద్ .. దర్శకుడు కృష్ణకి అందజేశారు.

కాగా జి.ఆర్ కృష్ణ దర్శకత్వం వహిస్తున్న ఈసినిమాకు అబ్బూరి రవి సంభాషణలు సమకూర్చుతున్నారు. మిక్కీ జె. మేయర్ సంగీతాన్ని అందిస్తున్నాడు. మరి ఈ సినిమాతో అయినా రాజ్ తరుణ్ మంచి కమ్ బ్యాక్ ఇస్తాడేమో చూద్దాం..

[subscribe]

[youtube_video videoid=rThdRPOhjb8]