మురుగదాస్ కథతో త్రిష చిత్రం

తమిళ బ్లాక్ బస్టర్ మూవీ ’96’ తో మళ్లీ ఫుల్ ఫామ్ లోకి వచ్చేసింది చెన్నై బ్యూటీ త్రిష. ఈ సంక్రాంతికి సూపర్ స్టార్ రజినీకాంత్ కి జోడిగా ‘పేట’ లో మురిపించిన త్రిష… తాజాగా ఓ ఆసక్తికరమైన సినిమాకి గ్రీన్ సిగ్నల్ ఇచ్చిందని కోలీవుడ్ టాక్.

ఆ వివరాల్లోకి వెళితే… ‘గణేష్’ (2009), ‘జర్నీ’ చిత్రాల దర్శకుడు శరవణన్ డైరెక్షన్ లో త్రిష ఓ హీరోయిన్ ఓరియంటెడ్ మూవీ చేయనుంది. ఉత్కంఠభరితమైన కథ, కథనాలతో తెరకెక్కనున్న ఈ సినిమాలో త్రిష ఓ డిఫరెంట్ రోల్ లో దర్శనమివ్వనుంది.

అంతేకాదు… ఈ చిత్రానికి ప్రముఖ దర్శకుడు ఏ.ఆర్.మురుగదాస్ కథను అందిస్తున్నాడని కోలీవుడ్ వర్గాలు పేర్కొంటున్నాయి. ప్రముఖ తమిళ నిర్మాణ సంస్థ లైకా ప్రొడక్షన్స్ ప్రతిష్టాత్మకంగా నిర్మించనున్న ఈ సినిమా త్వరలోనే పట్టాలెక్కనుంది.

ఇప్పటికే పలు కథానాయిక ప్రాధాన్యం ఉన్న చిత్రాలలో నటించి మెప్పించిన త్రిష… ఈ క్రేజీ ప్రాజెక్ట్ తోను తనదైన ముద్ర వేస్తుందేమో చూడాలి.

[subscribe]

[youtube_video videoid=0y2hpww0EDM]