వెంకీమామ ఫస్ట్ లుక్ రిలీజ్

బాబీ డైరెక్షన్ లో విక్టరీ వెంకటేష్, అక్కినేని నాగ చైతన్య కలిసి చేస్తున్న మల్టీస్టారర్ మూవీ ‘వెంకీమామ’. బాబి డైరక్షన్ లో వస్తున్న ఈ సినిమా ఓ పక్క షూటింగ్ శరవేగంగా జరుపుకుంటునే మరోపక్క ఎప్పటికప్పుడూ ఫ్యాన్స్ కు అప్ డేట్స్ ఇస్తూనే ఉన్నారు.

ఇక ఇప్పటికే ఈ సినిమా టైటిల్ పోస్టర్ ను రిలీజ్ చేయగా అది చాలా డిఫరెంట్ గా ఉందన్న అభిప్రాయాలు వెలువడుతున్నాయి. వెంకీని ఇంగ్లీష్ లో మామని తెలుగులో అది కూడా ఓ చక్రంలో ఉంచారు. ఇక ఆ చక్రం చుట్టూ 12 రాశులు ఉన్నాయి. అంతేకాదు కుడివైపు ఆర్మీ నేపథ్యంతో కనిపిస్తుండగా ఎడమవైపు పల్లెటూరు వాతావరణం కనిపిస్తుంది. సినిమాలో నాగ చైతన్య ఆర్మీ మ్యాన్ గా కనిపిస్తాడని ఇప్పటికే వార్తలు వచ్చాయి.

ఇక ఈ రోజు ఉగాది పండుగ సందర్భంగా మామ అల్లుళ్ల ఫస్ట్ లుక్ ను రిలీజ్ చేశారు. వీళ్లిద్దరి లుక్ కూడా ఇంట్రెస్టింగ్ గా ఆకట్టుకుంటుంది.

ఇక కామెడీ ఎంటర్టైనర్ గా రూపొందుతోన్న ఈ సినిమాలో వెంకీ, చైతు సరసన.. పాయల్ రాజ్ పుత్, రాశీ ఖన్నా హీరోయిన్లుగా నటిస్తున్నారు. కోన ఫిల్మ్ కార్పొరేషన్ .. సురేష్ ప్రొడక్షన్స్ .. పీపుల్స్ మీడియా ఫ్యాక్టరీ వారు ఈ సినిమాను నిర్మిస్తున్నారు. మరి ఈ సినిమా ఎలా ఉంటుందో చూడాలి.