గోపీచంద్‌కి జోడీగా కాజ‌ల్ అగ‌ర్వాల్‌?

పుష్క‌ర‌కాలానికి పైగా క‌థానాయిక‌గా రాణిస్తోంది టాలీవుడ్ చంద‌మామ కాజ‌ల్ అగ‌ర్వాల్‌. ఓ వైపు అగ్ర క‌థానాయ‌కుల‌తో న‌టిస్తూనే… మ‌రో వైపు యువ క‌థానాయ‌కుల‌తోనూ జోడీ క‌డుతూ త‌న స్థానాన్ని ప‌దిల‌ప‌రుచుకుంటోంది ఈ ఉత్త‌రాది భామ‌. కాజ‌ల్ న‌టించిన కొత్త చిత్రాలు `సీత‌`, `పారిస్ పారిస్‌` (త‌మిళ్‌), శ‌ర్వానంద్ – సుధీర్ వ‌ర్మ కాంబినేష‌న్ మూవీ… ఈ వేస‌విలో తెర‌పైకి రానున్నాయి. అలాగే భారీ బ‌డ్జెట్ మూవీ`భార‌తీయుడు 2`లో లోక‌నాయ‌కుడు క‌మ‌ల్ హాస‌న్‌కి జోడీగా న‌టిస్తూ బిజీగా ఉంది కాజ‌ల్‌. అంతేకాదు… మాస్ మ‌హ‌రాజ్ ర‌వితేజ‌కి జంట‌గా `క‌న‌క‌దుర్గ‌`లోనూ కాజ‌ల్ నాయిక‌గా న‌టించ‌బోతోంద‌ని స‌మాచారం.

ఇదిలా ఉంటే… మ‌రో ఇంట్రెస్టింగ్ ప్రాజెక్ట్‌లోనూ కాజ‌ల్ న‌టించ‌బోతోంద‌ని టాలీవుడ్ టాక్‌. ఆ వివ‌రాల్లోకి వెళితే… యాక్ష‌న్ చిత్రాల క‌థానాయ‌కుడు గోపీచంద్ హీరోగా బిన్ను సుబ్ర‌మ‌ణ్యం ద‌ర్శ‌క‌త్వంలో ప్ర‌ముఖ నిర్మాత బి.వి.ఎస్‌.ఎన్‌.ప్ర‌సాద్ ఓ సినిమాని నిర్మిస్తున్న సంగ‌తి తెలిసిందే. ఇందులో గోపీచంద్ స‌ర‌స‌న కాజ‌ల్ న‌టించే అవ‌కాశ‌ముంద‌ని వినిపిస్తోంది. త్వ‌ర‌లోనే కాజ‌ల్ ఎంట్రీపై క్లారిటీ వ‌స్తుంది.