‘సూర్యకాంతం’ కు పాజిటివ్ రిపోర్ట్స్

ప్రణీత్ బ్రమందపల్లి దర్శకత్వంలో స్టంట్ మాస్టర్ విజయ్ కొడుకు రాహుల్ విజయ్, నిహారిక కొణిదెల జంటగా సూర్యకాంతం అనే మూవీ రూపొందుతున్న సంగతి తెలిసిందే. ఈ సినిమా నుండి ఇప్పటికే పోస్టర్స్, టీజర్ రిలీజ్ కాగా వాటికి మంచి రెస్పాన్స్ వచ్చింది. ఈ సారి నిహారిక ఓ డిఫరెంట్ రోల్ లో కనిపించనున్నట్టు అర్ధమవుతోంది. ఇక తాజా సమాచారం ప్రకారం.. ఈ సినిమాకు పాజిటివ్ రిపోర్ట్సే వస్తున్నాయట. సినిమా అవుట్ పుట్ బాగా వచ్చిందని.. ఖచ్చితంగా ఆడియన్స్ ఇంప్రెస్ అవుతారని చెబుతున్నారు. మరి అందులో నిజమెంత ఉందో సినిమా చూస్తే కానీ తెలీదు..

కాగా మెగా ప్రిన్స్ వరుణ్ తేజ్ సమర్పణ లో రూపొందుతున్న ఈ సినిమాను నిర్వాణ సినిమాస్ బ్యానర్ పై సందీప్ యెర్రంరెడ్డి నిర్మిస్తున్నారు. మార్క్ కే రాబిన్ సంగీతం అందిస్తున్నారు. మరి ఒక మనసు సినిమాతో తెలుగు సినీ పరిశ్రమలో అడుగుపెట్టిన నిహారిక ఆ సినిమాలో తన నటనతో అందరినీ ఆకట్టుకొని మంచి మార్కులే కొట్టేసింది. ఆ తరువాత హ్యాపీ వెడ్డింగ్ సినిమాలో నటించి మరోసారి అలరించింది. అయితే దానికి ఆశించినంత విజయం దక్కలేదు. ఇప్పుడు ఈ సినిమాతో మరోసారి తన లక్ ను పరీక్షించుకోనుంది. మరి ఈ సినిమా ఎంత వరకూ సక్సెస్ అవుతుందో చూద్దాం..