సిస్టర్ ఎంట్రీపై క్లారిటీ ఇచ్చిన సాయి పల్లవి

సినీ ఇండస్ట్రీలో వారసత్వం అనేది కామన్ థింగ్. ఒక ఫ్యామిలీలో ఒకళ్లు ఎంట్రీ అయితే చాలు.. తరువాత వారి బాటలోనే ఆ ఫ్యామిలీ మెంబర్స్ కూడా ఎంట్రీ ఇస్తారు. అయితే ఎంట్రీ అయితే ఈజీగా దొరుకుతుంది కానీ… కెరీర్ మాత్రం తమ టాలెంట్ పై ఆధారపడి ఉంటదనుకోండి. అది వేరే విషయం. ఇప్పుడు ఈ ఉపోద్ఘాతం ఎందుకంటే..ఫిదా సినిమాతో అందరినీ ఫిదా చేసిన సాయి పల్లవి సిస్టర్ పూజ కన్నన్ ఎంట్రీ గురించి.

గత కొద్ది రోజులుగా సాయి పల్లవి సిస్టర్ పూజా కన్నన్ కూడా ఇండస్ట్రీలోకి అడుగుపెడుతున్నట్టు వార్తలు వస్తున్నాయి. దానికి తోడు ఇటీవల హీరో ధనుష్ తో దిగిన ఓ ఫొటో ను సోషల్ మీడియాలో పోస్ట్ చేయడంతో ఇక నిజమే అన్న అభిప్రాయానికి వచ్చారు అందరూ.

ఇక ఈ రూమర్లపై స్పందించిన సాయి పల్లవి.. తాను ప్రస్తుతం ఎంబీబీఎస్‌ చేస్తోందని, తన దృష్టంతా చదువుపైనే ఉందని, సినిమాల్లోకి ఎంట్రీ ఇవ్వనుందనే వార్తల్లో నిజం లేదని క్లారిటీ ఇచ్చింది. కాగా సాయి పల్లవి ప్రస్తుతం రానాకు జోడిగా ఓ సినిమాలో నటిస్తుంది.