భారీ స్థాయిలో ఎన్టీఆర్ మహానాయకుడు రిలీజ్ ప్లాన్!

క్రిష్ దర్శకత్వంలో బాలకృష్ణ ప్రధాన పాత్రలో ఎన్టీఆర్ జీవిత చరిత్ర ఆధారంగా ఆయన బయోపిక్ తెరకెక్కిన సంగతి తెలిసిందే. ఎన్టీఆర్ కథానాయకుడు, ఎన్టీఆర్ మహానాయకుడు అంటూ రెండు పార్ట్ లుగా తెరకెక్కిన ఈ సినిమాలో మొదటి భాగం సంక్రాంతి పండుగకానుకగా జనవరి 9వ తేదీన విడుదల చేశారు. ఇక రాజకీయ నేపథ్యంలో తెరకెక్కిన మహానాయకుడు పార్ట్ ను ఫిబ్రవరి 22వ తేదీన రిలీజ్ చేయనున్నారు.

ఇదిలా ఉండగా ఈ సినిమాను యూఎస్ఏ లో కూడా రిలీజ్ చేస్తున్న సంగతి తెలిసిందే. అయితే అక్కడ రిలీజ్ కూడా భారీగా ప్లానే చేసినట్టు తెలుస్తోంది. దాదాపు 119 లొకేషన్లలో భారీ స్థాయిలో ఎన్టీఆర్ మహానాయకుడు సినిమాను రిలీజ్ చేయనున్నారు. మరి యాత్ర సినిమాకు కూడా యూఎస్ఏ లో భారీ స్థాయిలో ప్రమోషన్ కార్యక్రమాలు నిర్వహించారు. భారీ స్థాయిలోనే రిలీజ్ చేశారు. ఇప్పుడు ఎన్టీఆర్ మహానాయకుడు సినిమాకు కూడా అలాంటి ప్లానే వేశారు. మరి చూద్దాం ఈ సినిమా అక్కడి వారికి ఎంత నచ్చుతుందో.