సుప్రియతో పెళ్లిపై క్లారిటీ ఇచ్చిన అడివి శేష్!

కర్మ సినిమాతో తెలుగు సినీ పరిశ్రమలో అడుగుపెట్టి పంజా సినిమాతో మంచి గుర్తింపుతెచ్చుకున్న నటుడు అడివి శేష్. ఆ తరువాత బాహుబలి, క్షణం, గూఢచారి వంటి విభిన్నమైన సినిమాలతో తనకంటూ ప్రత్యేక స్థానాన్ని ఏర్పరుచుకున్నాడు. ఇక ఇన్నేళ్ల అడివి శేష్ కెరీర్ లో తనపై రూమర్లు పెద్దగా వచ్చిన దాఖలాలు లేవనే చెప్పొచ్చు.

కానీ ఇటీవల ఓ గాసిప్ మాత్రం తెగ ప్రచారం అయ్యింది. అదేంటంటే.. అక్కినేని నాగార్జున మేన కోడలు సుప్రియని పెళ్లి చేసుకోబోతున్నట్టు వార్తలు వచ్చాయి. అంతేకాదు చాలా తక్కువ టైంలోనే ఈ న్యూస్ వైరల్ అయిపోయింది. ఈ నేపధ్యంలో ఈ వార్తలపై ఓ ఇంటర్వ్యూలో ఆయనను ప్రశ్నించగా… అడివి శేష్ మాట్లాడుతూ… ”ఇదొక ఆధారం లేని గాసిప్ గా కొట్టిపారేసారు. ఈ వార్తలో ఎలాంటి నిజం లేదు. ఎవరో వెబ్ లో కావాలని క్రియేట్ చేసి రాశారు… కాకపోతే దురదృష్టవశాత్తు బాగా స్ప్రెడ్ అయ్యింది” అన్నారు.

ఇక ఇటీవల తన ట్విట్టర్ లో త్వరలోనే ఓ బిగ్ ఎనౌన్స్ మెంట్ ఉండబోతోందని చేసిన ట్వీట్ పై కూడా ప్రశ్నించగా… తను అతి త్వరలోనే ఆ ప్రకటన దేని గురించి అనేది రివీల్ చేస్తానని, ప్రస్తుతానికి తను దాని గురించి మాట్లాడకూడదని అన్నారు. మరి అదేంటో తెలుసుకోవాలంటే కొద్ది రోజులు వెయిట్ చేయాల్సిందే. కాగా ప్ర‌స్తుతం 2 స్టేట్స్ రీమేక్ చిత్రంతో బిజీగా ఉన్నాడు అడివి శేష్.