సెన్సార్ పూర్తిచేసుకున్న ఎన్టీఆర్ మహానాయకుడు

క్రిష్ దర్శకత్వంలో నందమూరి తారకరామారావు జీవిత చరిత్ర ఆధారంగా ఆయన బయోపిక్ తెరకెక్కిన సంగతి తెలిసిందే. రెండు పార్ట్ లుగా తెరకెక్కిన ఈ సినిమాలో మొదటి భాగమైన ఈ సినిమా జనవరి 9న ప్రేక్షకుల ముందుకు రాగా…ఈ నెల ఫిబ్రవరి 22వ తేదీన ఎన్టీఆర్ మహానాయకుడు ప్రేక్షకుల ముందుకు రానుంది. ఇక ఈసినిమా రిలీజ్ దగ్గర పడుతున్న నేపథ్యంలో ప్రమోషన్ కార్యక్రమాలు మొదలుపెట్టారు చిత్రయూనిట్.

ఇప్పుడు తాజాగా సెన్సార్ కూడా పూర్తి చేసుకుంది ఈ సినిమా. ఎలాంటి కట్స్ లేకుండా క్లీన్ యూ సర్టిఫికెట్ సొంతం చేసుకుంది. ఆశ్చర్యకరమైన విషయం ఏంటంటే ఈ సినిమా రన్ టైం 2 గంటల 8 నిమిషాలే ఉన్నట్టు తెలుస్తోంది. మరి దీనినిబట్టి చూస్తే ఎన్టీఆర్ కథానాయకుడు ఎఫెక్ట్ తో మహానాయకుడు పార్ట్ ను బాగానే ట్రిమ్ చేసినట్టు కనిపిస్తోంది.

మరి ఎన్టీఆర్ కథానాయకుడు లో ఎన్టీఆర్ సినీ జీవితం గురించి చూపించారు. మరి అందులో ఎలాంటి ట్విస్ట్ లు.. వివాదాలు లేవు కాబట్టి పెద్దగా ఆకట్టుకోలేకపోవడానికి అది కూడా ఒక కారణంగా చెప్పొచ్చు. కానీ మహానాయకుడు రాజకీయ నేపథ్యం ఉన్న పార్ట్.. పొలిటికల్ గా వివాదాలతో ముడిపడిన రాజకీయ జీవితం కాబట్టి కాస్త ఇంట్రెస్ట్ ఉంటుంది అందరికీ. అందులోనూ రానా, కళ్యాణ్ రామ్ లాంటి నటులు కూడా కనిపిస్తున్నారు కాబట్టి ఆసక్తి ఇంకా ఎక్కువ ఉంటుంది. మరి ఈ మహానాయకుడు ప్రేక్షకులకు ఎంతవరకూ నచ్చుతుందో చూద్దాం.

[subscribe]
[youtube_video videoid=z3sbIFKE5IE]