మ‌రోసారి జోడీ క‌ట్ట‌నున్న బెల్లంకొండ సాయిశ్రీ‌నివాస్‌, ర‌కుల్ ప్రీత్‌?

`జ‌య జాన‌కి నాయ‌క‌` చిత్రంలో జంట‌గా న‌టించి అల‌రించారు యువ కథానాయ‌కుడు బెల్లంకొండ సాయిశ్రీ‌నివాస్‌, అందాల తార ర‌కుల్ ప్రీత్ సింగ్‌. మ‌ళ్ళీ ఒక‌టిన్న‌ర సంవ‌త్స‌రం త‌రువాత ఈ ఇద్ద‌రూ మ‌రో సినిమాలో క‌ల‌సి న‌టించ‌బోతున్నార‌ని టాలీవుడ్ టాక్‌. ఆ వివ‌రాల్లోకి వెళితే… త‌మిళంలో ఘ‌న‌విజ‌యం సాధించిన `రాచ్చ‌స‌న్‌` సినిమాని తెలుగులో రీమేక్ చేయ‌బోతున్న సంగ‌తి తెలిసిందే. ఇందులో క‌థానాయ‌కుడిగా బెల్లంకొండ సాయిశ్రీ‌నివాస్ న‌టించ‌నుండ‌గా… క‌థానాయిక పాత్ర‌లో ర‌కుల్ ప్రీత్ సింగ్ పేరుని ప‌రిశీలిస్తున్నార‌ని స‌మాచారం. త్వ‌ర‌లోనే ర‌కుల్ ఎంట్రీపై క్లారిటీ వ‌చ్చే అవ‌కాశ‌ముంది.

ర‌మేష్ వ‌ర్మ ద‌ర్శ‌క‌త్వంలో రూపొంద‌నున్న ఈ చిత్రాన్ని కోనేరు స‌త్య‌నారాయ‌ణ నిర్మించ‌నున్నారు. ఈ నెలాఖ‌రులో గానీ మార్చి ప్ర‌థ‌మార్ధంలోగానీ ఈ సినిమాకు సంబంధించిన షూటింగ్ కార్య‌క్ర‌మాలు ప్రారంభం కానున్నాయి. వేస‌వి చివ‌ర‌లో ఈ సినిమా తెర‌పైకి వ‌చ్చే అవ‌కాశ‌ముంద‌ని టాక్‌. మ‌రోసారి… సాయిశ్రీ‌నివాస్‌, ర‌కుల్ జంట ప్రేక్ష‌కుల‌ను మురిపిస్తుందేమో చూడాలి.