`రాక్ష‌స‌న్‌` రీమేక్‌లో బెల్లంకొండ సాయిశ్రీ‌నివాస్‌

గ‌త ఏడాది త‌మిళ‌నాట సంచ‌ల‌న విజ‌యం సాధించిన చిత్రం `రాక్ష‌స‌న్‌`. సైకలాజిక‌ల్ థ్రిల్ల‌ర్‌గా రూపొందిన ఈ సినిమాలో విష్ణు విశాల్‌, అమ‌లా పాల్ జంట‌గా న‌టించారు. ఇప్పుడీ సినిమాని తెలుగులో రీమేక్ చేయ‌డానికి స‌న్నాహాలు జ‌రుగుతున్నాయి. కాగా… కోనేరు స‌త్య‌నారాయ‌ణ భారీ మొత్తాన్ని చెల్లించి ఈ సినిమా రీమేక్ రైట్స్‌ను సొంతం చేసుకున్నార‌ని టాలీవుడ్ టాక్‌. తెలుగు వెర్ష‌న్‌లో యంగ్ అండ్ టాలెంటెడ్ హీరో బెల్లంకొండ సాయిశ్రీ‌నివాస్ హీరోగా న‌టించ‌నుండ‌గా… ర‌మేష్ వ‌ర్మ పెన్మ‌త్స ద‌ర్శ‌క‌త్వం వ‌హించ‌నున్నాడు.

ఫిబ్ర‌వ‌రి 21 నుంచి షూటింగ్ కార్య‌క్ర‌మాలు ప్రారంభించుకోనున్న ఈ సినిమా… వేస‌వి కానుక‌గా ప్రేక్ష‌కుల ముందుకు రానుందని స‌మాచారం. త్వ‌ర‌లోనే ఈ సినిమాకి సంబంధించిన పూర్తి వివ‌రాలు అధికారికంగా వెల్ల‌డి కానున్నాయి.

సాయిశ్రీ‌నివాస్ ప్ర‌స్తుతం తేజ రూపొందిస్తున్న `సీత‌` సినిమాతో బిజీగా ఉన్నాడు. కాజ‌ల్ అగ‌ర్వాల్ హీరోయిన్‌గా న‌టిస్తున్న ఈ కాన్సెప్ట్ ఓరియెంటెడ్ మూవీ… మార్చి నెలాఖ‌రులో తెరపైకి రానుంది.