షూటింగ్ పూర్తి చేసుకున్న వేర్ ఈజ్ వెంకటలక్ష్మీ

కిషోర్ కుమార్ దర్శకత్వంలో లక్ష్మీ రాయ్ ప్రధాన పాత్రలో ‘ వేర్ ఈజ్ వెంకటలక్ష్మి’ సినిమా తెరకెక్కుతున్న సంగతి తెలిసిందే. ఇక ఇటీవల విడుదలైన ఫస్ట్ లుక్ కు, పాపా నీకేదంటే ఇష్టం పాటకు గాను మంచి రెస్పాన్స్ రావడంతో సినిమాపై మంచి అంచనాలే ఏర్పడ్డాయి. త్వరలో టీజర్ ను రిలీజ్ చేయనున్నారు. ఇక ఈ సినిమా తాజా అప్ డేట్ ఏంటంటే.. గత కొద్ది కాలంగా షూటింగ్ జరుకుంటున్న ఈ సినిమా షూటింగ్ పూర్తయింది. దీంతో పోస్ట్ ప్రొడక్షన్ పనులు శరవేగంగా జరుపుకొని మార్చిలో సినిమాను విడుదల చేయడానికి ప్లాన్ చేస్తున్నారు.

కాగా హార్రర్ కామెడీ గా తెరకెక్కుతున్న ఈ సినిమాలో ఇంకా రామ్ కార్తిక్ , పూజిత పొన్నాడ కీలక పాత్రల్లో నటిస్తున్నారు. ఏబీటి క్రియేషన్స్ బ్యానర్ పతాకంపై గురునాథ్ రెడ్డి సమర్పిస్తున్న ఈ సినిమా కి ఎం.శ్రీధర్ రెడ్డి , హెచ్.ఆనంద్ రెడ్డి, ఆర్కే రెడ్డి లు నిర్మాతలుగా వ్యవహరిస్తున్నారు. హరి గౌర ఈ చిత్రానికి సంగీతం అందిస్తున్నారు. సినిమాటోగ్రఫీ వెంకట్ ఆర్.శాఖమూరి. కథ, కథనం, మాటలు : తాటవర్తి కిరణ్.