రామ్ ట్వీట్ పై ప్రశంసలు – ఆంధ్రా నాదే తెలంగాణ నాదే

టాలీవుడ్ యంగ్ హీరో రామ్ పై నెటిజన్లు ప్రశంసలు కురిపిస్తున్నారు. ఇంతకీ ఏ విషయంలో అనుకుంటున్నారా? అసలు సంగతేంటంటే.. ఏపీ ముఖ్యమంత్రి చంద్రబాబు నాయుడు నిన్న అనంతపురంలో కియా తొలి కారును ఆవిష్కరించిన సంగతి తెలిసిందే కదా. ఈ సందర్భంగా సీఎం చంద్రబాబు స్పందిస్తూ.. కొద్ది సంవత్సరాల క్రితం…అనంతపురంకు పరిశ్రమలు వస్తాయంటే ఎవరూ నమ్మలేదు..మా ప్రభుత్వం అహర్నిశలు కష్టపడి సాగునీటిని అందించా..దీంతో మరిన్ని పెట్టుబడులను ఆకర్షించగలుగుతాం అని ట్వీట్ చేశారు.

ఇక ఈ ట్వీట్ పై రామ్ స్పందిస్తూ…‘ఇది నిజమే.. మన రాష్ట్రానికి ఇది భారీ ముందడుగు. ముందు ముందు ఇలాంటివి మరెన్నో వస్తాయి’ అని ట్వీట్ చేశారు. అంతేకాదు.. ‘నా ఇల్లు సక్కపెట్టేటోడు ఎవరైతే నాకేంటి అన్నాయ్‌.. నువ్వు మంచి చెయ్‌.. నీకూ ఇస్తా ఓ ట్వీటు. ఆంధ్రా నాదే, తెలంగాణ నాదే. ఇదే మాట మీదుంటా. ఇక్కడ కులం లేదు, ప్రాంతం లేదు, చర్చ అస్సలు లేదు. ముందు నేను పౌరుడిని.. ఆ తర్వాతే నటుడిని’ అంటూ ట్వీట్ చేశారు. ఇక దీంతో రామ్ పై నెటిజన్లు ప్రశంసలు కురిపిస్తున్నారు. ఏపీ అభివృద్ధికి మద్దతు తెలుపుతున్న ఏకైక టాలీవుడ్ హీరో రామ్ అంటూ పలువురు అభినందిస్తున్నారు.

This is so true..a Massive step forward for our state! Many more to come! #KiaMadeInAP https://t.co/IUv9iTmhTA

— RAm POthineni (@ramsayz) January 29, 2019

“Naa illu sakkapettetodu yevaraithe naakenti annai..nuvvu chey..neeku esta o tweetu .. Andhra naadhe..Telangana naadhe..idhey maata medhunta! Ikkada Kulam led..Prantham led..Discussion assal led!“ #Love – R.A.P.O #CitizenFirstActorNext

— RAm POthineni (@ramsayz) January 29, 2019