లక్ష్మీస్ ఎన్టీఆర్ – ఎన్టీఆర్ ఫ్యామిలీ ఇదే

ఎన్టీఆర్ జీవిత కథ ఆధారంగా రామ్ గోపాల్ వర్మ దర్శకత్వంలో లక్ష్మీస్ ఎన్టీఆర్ సినిమా తెరకెక్కుతున్న సంగతి తెలిసిందే. ప్రస్తుతం ఈ సినిమా షూటింగ్ జరుపుకుంటుండగా.. సినిమాను మార్చిలో రిలీజ్ చేసే ప్లాన్ లో ఉన్నాడు వర్మ. అయితే ఈ లోపు తను ఎప్పటికప్పుడు సినిమాకు సంబంధించిన ఫొటోలు తమ ట్విట్టర్ లో పోస్ట్ చేస్తూ అప్ డేట్ ఇస్తూనే ఉన్నాడు. ప్రస్తుతం నిర్మాణ దశలో ఉన్న ఈ సినిమా ప్రమోషన్‌ కార్యక్రమాలను వర్మ తనదైన స్టైల్‌లో చేస్తున్నాడు. ఈసినిమాలో నటిస్తున్న పాత్రలకు సంబంధించి ఫొటోలు పెడుతూ పేర్లు చెప్పకుండా ఆ స్టిల్స్‌ను సోషల్ మీడియాలో వైరల్‌ చేస్తున్నాడు.

తాజాగా మరో రెండు ఫొటోలను తన ట్విట్టర్ ద్వారా పోస్ట్ చేశాడు వర్మ. ఎన్టీఆర్ కుటుంబసభ్యులు ఉన్న ఒక ఫొటోను, ‘లక్ష్మీస్‌ ఎన్టీఆర్‌లో ఈ పాత్ర ఎవరిది.?’ అంటూ ఓ స్టిల్‌ను పోస్ట్‌చేశాడు వర్మ. ఇక వర్మ ఫొటోల పై స్పందించిన నెటిజన్లు కూడా తమదైన శైలిలో రిప్లై ఇస్తున్నారు.

I wonder who these characters are in #LakshmisNTR and why they are looking so upset with Lakshmi Parvathi ? pic.twitter.com/KAdAKrHIVR

— Ram Gopal Varma (@RGVzoomin) January 29, 2019

Can somebody tell me who this character is in #LakshmisNTR ? pic.twitter.com/RRwKt8gXsY

— Ram Gopal Varma (@RGVzoomin) January 29, 2019

కాగా ఈ సినిమాలో లక్ష్మీ పార్వతి పాత్రలో కన్నడ నటి యజ్ఞ శెట్టి నటిస్తుండగా.. కీలకమైన చంద్రబాబు నాయుడు పాత్రలో వంగవీటి ఫేం శ్రీతేజ్‌ కనిపించనున్నాడు. ఇక ఎన్టీఆర్ పాత్రలో పశ్చిమగోదావరి జిల్లాకు చెందిన థియేటర్ ఆర్టిస్ట్ నటిస్తున్నాడు. మరి ఇప్పటికే ఈ సినిమా ఫస్ట్ లుక్స్, పాటలతో సంచలనం సృష్టిస్తున్న వర్మ ముందు ముందు ఇంకెన్ని ట్విస్ట్ లు ఇస్తాడో వర్మ చూద్దాం.