రాశి కంటే వాసికే ప్రాధాన్యమిచ్చే దర్శకులలో హరీష్ శంకర్ ఒకరు. 13 ఏళ్ళ కెరీర్లో 6 చిత్రాలే డైరెక్ట్ చేశాడాయన. ముఖ్యంగా మెగా హీరోలతో హరీష్ రూపొందించిన సినిమాలన్నీ బాక్సాఫీస్ వద్ద వసూళ్ళ వర్షం కురిపించాయి. పవర్ స్టార్ పవన్ కళ్యాణ్ కాంబినేషన్లో హరీష్ శంకర్ రూపొందించిన `గబ్బర్ సింగ్` అప్పట్లో సంచలన విజయం సాధించింది. హిందీ చిత్రం `దబాంగ్`కి రీమేక్గా రూపొంది ఇక్కడి వారిని కూడా ఎంతగానో ఎంటర్టైన్ చేసింది. ఇక ఇదే మెగా కాంపౌండ్కి చెందిన సాయిధరమ్ తేజ్తో `సుబ్రమణ్యం ఫర్ సేల్`ని తెరకెక్కించి మరో హిట్ని తన ఖాతాలో వేసుకున్నాడు హరీష్. అలాగే స్టైలిష్ స్టార్ అల్లు అర్జున్తో ఈ టాలెంటెడ్ డైరెక్టర్ తెరకెక్కించిన `దువ్వాడ జగన్నాథమ్` కూడా మంచి విజయం సాధించింది. ఈ నేపథ్యంలో… ఇదే కాంపౌండ్లో మరో హీరోతో తన తాజా చిత్రాన్ని పట్టాలెక్కించాడు హరీష్. ఆ చిత్రమే `వాల్మీకి`. మెగా ప్రిన్స్ వరుణ్ తేజ్ ప్రధాన పాత్రలో నటిస్తున్న ఈ సినిమా కూడా… హరీష్కి మరో విజయాన్ని అందిస్తుందేమో చూడాలి. హరీష్ శంకర్ ఏడో చిత్రంగా తెరకెక్కుతున్న ఈ మూవీ… ఈ ఏడాది ద్వితీయార్ధంలో తెరపైకి రానుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[youtube_video videoid=t-SWlHFaFUk]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: