ఇస్మార్ట్ శంకర్ కి ఇ’స్మార్ట్ హీరోయిన్’ ఫిక్స్

పూరీ జగన్నాథ్ దర్శకత్వంలో ఎనర్జిటిక్ హీరో రామ్ హీరోగా తెరకెక్కుతున్న సినిమా ఇస్మార్ట్ శంకర్. ఈ సినిమాను లాంఛనంగా ఇటీవలే ప్రారంభించంగా..ప్రస్తుతం షూటింగ్ జరుపుకుంటోంది. ఇక ఈ సినిమాలో నటిస్తున్న హీరోయిన్ ఎవరనే దానిపై పలు రూమర్లు షికారు చేసిన సంగతి కూడా తెలిసిందే. ఈ సినిమాలో రామ్ సరసన హీరోయిన్ గా అను ఇమ్మాన్యుయేల్ నటిస్తున్నట్టు వార్తలు వచ్చాయి. కానీ ఇప్పుడు ఈ సినిమాలో నటించే హీరోయిన్ ఎవరో చెప్పారు చిత్రయూనిట్. రామ్ సరసన ఈ సినిమాలో హీరోయిన్ గా నిధి అగర్వాల్ ఫైనల్ అయినట్టు ఓ పోస్టర్ ద్వారా ప్రకటించారు.

Welcoming @AgerwalNidhhi to the family of #iSmartShankar @purijagan @ramsayz @Charmmeofficial #RaPo17 #Puri35 #PCFilm pic.twitter.com/ZCU6L2EUDF

— Puri Connects (@PuriConnects) January 28, 2019

కాగా యాక్షన్ ఎంటర్టైనర్ గా తెరకెక్కనున్న ఈ సినిమాను పూరీ టూరింగ్ టాకీస్ పతాకం ఫై పూరి జగన్నాథ్ , ఛార్మి కలిసి నిర్మిస్తున్నారు. ఈ సినిమాకి మణిశర్మ సంగీతం అందించనుండగా ‘అర్జున్ రెడ్డి’ ఫేమ్ రాజ్ తోట సినిమాటోగ్రఫీని అందించనున్నారు. ఈ ఏడాది ‘మే’లో ఈ చిత్రాన్ని విడుదల చేయాలని ప్లాన్ చేస్తున్నారు.