సూర్యకాంతం టీజర్ రిలీజ్

ఒక మనసు సినిమాతో తెలుగు సినీ పరిశ్రమలో అడుగుపెట్టిన నిహారిక ఆ సినిమాలో తన నటనతో అందరినీ ఆకట్టుకొని మంచి మార్కులే కొట్టేసింది. ఆ తరువాత హ్యాపీ వెడ్డింగ్ సినిమాలో నటించి మరోసారి అలరించింది. అయితే ఆ సినిమా అంతగా అలరించలేదనే చెప్పొచ్చు. ఇప్పుడు తాజాగా ప్ర‌ణీత్ దర్శకత్వంలో నిహారిక సూర్యకాంతం అనే సినిమా ద్వారా మరోసారి ప్రేక్షకుల ముందుకు రానుంది. ప్రస్తుతం షూటింగ్ జరుపుకుంటున్న ఈ సినిమాను త్వరలో రిలీజ్ చేయడానికి ప్లాన్ చేస్తున్నారు. ఇక ఇప్పటికే విడుదల చేసిన ఫస్ట్ లుక్ కు మంచి రెస్పాన్స్ రావడంతో సినిమా ఖచ్చితంగా మంచిగానే ఉండబోతుందన్న అభిప్రాయాలు ఏర్పడ్డాయి.

ఇదిలా ఉండగా ఇప్పుడు తాజాగా ఈ సినిమా టీజర్ ను రిలీజ్ చేయారు చిత్రయూనిట్. కాగా ప్రణీత్ బ్రమందపల్లి దర్శకత్వం వహిస్తున్న ఈ సినిమాలో స్టంట్ మాస్టర్ విజయ్ కొడుకు రాహుల్ విజయ్, నిహారిక కొణిదెల జంట గా నటిస్తున్నారు. మెగా ప్రిన్స్ వరుణ్ తేజ్ సమర్పణ లో రూపొందుతున్న ఈ సినిమాను నిర్వాణ సినిమాస్ బ్యానర్ పై సందీప్ యెర్రంరెడ్డి నిర్మిస్తున్నారు. మార్క్ కే రాబిన్ సంగీతం అందిస్తున్నారు.