ఆర్ఆర్ఆర్ లో నేషనల్ అవార్డ్ విన్నర్!

బాహుబలి సినిమా తరువాత రాజమౌళి దర్శకత్వంలో ఎన్టీఆర్, రామ్ చరణ్ కాంబినేషన్ లో వస్తున్న సినిమా ఆర్ఆర్ఆర్. మొదటి షెడ్యూల్ ను పూర్తిచేసుకున్న ఈ సినిమా ఇటీవలే రెండవ షెడ్యూల్ ను ప్రారంభించింది. ఇక తాజాగా ఈ సినిమాలో మరో నటుడు కూడా ఫిక్స్ అయినట్టు తెలుస్తోంది. ఆయన ఎవరో కాదు నేషనల్ అవార్డ్ విన్నర్, ప్రముఖ తమిళ నటుడు సముద్రఖని ఈ సినిమాలో నటిస్తున్నట్టు వార్తలు జోరందుకున్నాయి. అయితే దీనిపై అధికారిక ప్రకటన వచ్చేంత వరకూ కన్ఫామ్ అని చెప్పడం కష్టమే.

కాగా పిరియాడికల్ బ్యాక్ డ్రాప్ లో రాజమౌళి దర్శకత్వం వహిస్తున్న ఈసినిమాను భారీ బడ్జెట్ తో డివివి ఎంటర్టైన్మెంట్స్ పతాకం ఫై దానయ్య నిర్మిస్తున్నారు. కీరవాణి సంగీతం అందిస్తున్న ఈ చిత్రానికి సెంథిల్ కుమార్ సినిమాటోగ్రఫీ ని అందిస్తున్నారు. ఈ చిత్రం తెలుగు తో పాటు హిందీ, తమిళ, మలయాళ భాషల్లో కూడా విడుదల విడుదల చేయనున్నట్టు తెలుస్తోంది. ఇక ఈ సినిమాలో హీరోయిన్ల విషయంలో కూడా ఇంకా క్లారిటీ రాలేదు.. అతి తర్వలో ఈ చిత్రంలో నటించే హీరోయిన్ల గురించి కూడా ప్రకటించనున్నారని సమాచారం.