మహర్షి చివరి షెడ్యూల్ అప్ డేట్

వంశీ పైడిపల్లి దర్శకత్వంలో ప్రస్తుతం సూపర్ స్టార్ మహేష్ బాబు మహర్షి సినిమాలో నటిస్తున్న సంగతి తెలిసిందే. గత కొద్ది రోజులుగా పొల్లాచ్చిలో ఈ సినిమా షూటింగ్ జరుపుకుటుండగా… ఈ వారం చివరితో అక్కడి షెడ్యూల్ పూర్తువుతుంది. దాని తరువాత ఫిబ్రవరి ఫస్ట్‌ వీక్‌లో హైదరాబాద్‌లో మరో షెడ్యూల్‌ను ప్లాన్‌ చేశారు చిత్రబృందం.

హైదరాబాద్ లో కూడా ముగిసిన తరువాత.. నెక్ట్స్ షెడ్యూల్ ను అబుదాబిలో చేయనున్నారట. అక్కడ కొన్ని కీలక సన్నివేశాలను చిత్రీకరించనున్నారట. అబుదాబి షెడ్యూల్ తో.. ఈ సినిమా షూటింగ్‌ కూడా పూర్తవుతుందని సమాచారం. మిగతా పనులన్నీ త్వరగా పూర్తి చేసుకుని ఏప్రిల్ లో రిలీజ్ ప్లాన్ చేస్తున్నారు.

కాగా ఈ సినిమాలో మహేశ్ సరసన కథానాయికగా పూజా హెగ్డే నటిస్తుండగా, మహేష్ స్నేహితుడిగా కీలకమైన పాత్రలో అల్లరి నరేష్ కనిపించనున్నాడు. ‘దిల్‌’ రాజు, అశ్వనీదత్, పీవీపీ సంయుక్తంగా ఈసినిమాను నిర్మిస్తున్నారు. మరి ఈ సినిమా టీజర్ ను మహా శివరాత్రి సందర్భంగా విడుదల చేస్తారన్న వార్తలైతే బలంగా వినిపిస్తున్నాయి. చూద్దాం ఏం జరుగుతుందో.