మ‌హాన‌టుడు య‌న్టీఆర్ కెరీర్‌లో మ‌రో మెమ‌ర‌బుల్ డేట్

ఒకే తేదిని టార్గెట్ చేసుకుంటూ… వేర్వేరు సంవ‌త్స‌రాల్లో మూడు లేదా నాలుగు సినిమాల‌తో సంద‌డి చేసిన వైనాలు మహానటుడు నంద‌మూరి తార‌క రామారావు కెరీర్‌లో చాలానే ఉన్నాయి. అలాంటి తేదీల్లో అక్టోబర్ 21 ఒక‌టి. వేర్వేరు సంవ‌త్స‌రాల్లో ఇదే రోజున యన్టీఆర్ నటించిన నాలుగు చిత్రాలు విడుద‌ల కాగా… వాటిలో మూడు సినిమాలు మంచి విజ‌యం సాధించ‌డ‌మే కాకుండా న‌టుడిగా త‌న‌కి మంచి గుర్తింపుని తీసుకువ‌చ్చాయి. ఆ చిత్రాలే… `జయసింహ’ (1955), `కోడలు దిద్దిన కాపురం`(1970), `యమగోల’(1977), `శ్రీ‌నాథ క‌వి సార్వ‌భౌముడు`(1993). వీటిలో `శ్రీ‌నాథ క‌వి సార్వ‌భౌముడు`ని మిన‌హాయిస్తే… మిగిలిన మూడు సినిమాలు విజ‌య‌కేత‌నం ఎగుర‌వేయ‌డ‌మే కాదు సిల్వ‌ర్ జూబ్లీ ఫిల్మ్స్‌గా నిలిచాయి.

మ‌రో ఆస‌క్తిక‌ర‌మైన విష‌యేమిటంటే… ఈ నాలుగు చిత్రాలు కూడా ఒక‌దానితో ఒక‌టి సంబంధం లేని జోన‌ర్స్‌లో తెర‌కెక్కడం విశేషం. అలాగే… `కోడ‌లు దిద్దిన కాపురం` య‌న్టీఆర్ కెరీర్‌లో 200వ చిత్రం కాగా… `శ్రీ‌నాథ క‌వి సార్వ‌భౌముడు` కెరీర్‌లో చివ‌ర‌గా విడుద‌లైన సినిమా.

మొత్తానికి… అక్టోబ‌ర్ 21న వేర్వేరు సంవ‌త్స‌రాల్లో నాలుగు ఆస‌క్తిక‌ర‌మైన చిత్రాల‌తో ప్ర‌జానీకాన్ని త‌న‌శైలి వినోదాల‌తో రంజింప‌జేశారు మ‌న ఎవ‌ర్‌గ్రీన్‌ య‌న్టీఆర్‌.