హృతిక్ రోషన్‌తో ధ‌నుష్‌ మల్టీ స్టారర్?

తమిళనాట దూసుకుపోతున్న యువ కథానాయకుల్లో ధనుష్ ఒకరు. ఒకవైపు కోలీవుడ్‌లో స్టార్ హీరోగా రాణిస్తూనే… మరోవైపు ఇతర భాషల్లోనూ ద‌ర్శ‌న‌మిస్తూ ఉంటాడు ఈ టాలెంటెడ్ హీరో.

కాగా… ఆనంద్ ఎల్ రాయ్ దర్శకత్వంలో తెరకెక్కిన ‘రాంజానా’ (2013) చిత్రంతో బాలీవుడ్‌ ఎంట్రీ ఇచ్చిన ధ‌నుష్… ఆ తరువాత బిగ్ బి అమితాబ్‌తో కలసి ‘షమితాబ్’ (2015) సినిమాలోనూ నటించాడు. సుదీర్ఘ విరామం తరువాత… ఇప్పుడు ముచ్చటగా మూడోసారి బాలీవుడ్‌లో నటించేందుకు ధనుష్ సిద్ధపడుతున్నాడని కోలీవుడ్ టాక్.

ఆ వివరాల్లోకి వెళితే… ధనుష్ హీరోగా ఆనంద్ ఎల్ రాయ్ దర్శకత్వంలో ఓ మల్టీస్టారర్ మూవీ తెరకెక్కనుందని సమాచారం. ఈ సినిమాలో హృతిక్ రోషన్‌తో కలసి స్క్రీన్ షేర్ చేసుకోనున్నాడట ధనుష్. సారా అలీఖాన్ కథానాయికగా నటించనున్న ఈ చిత్రాన్ని… 2020లో సెట్స్ పైకి తీసుకువెళ్ళేందుకు ప్రయత్నాలు జ‌రుగుతున్నాయని బి టౌన్ టాక్. రానున్న రోజుల్లో ఈ సినిమాకు సంబంధించి మరిన్ని విషయాలు తెలిసే అవకాశం ఉంది.