చిరు హీరోగా ‘దిల్’ రాజు సినిమా!?

మెగా కాంపౌండ్ హీరోలకి కలిసొచ్చిన నిర్మాతలలో ‘దిల్’ రాజు ఒకరు. రామ్ చరణ్ (ఎవడు), అల్లు అర్జున్ (ఆర్య, పరుగు), వరుణ్ తేజ్( ఫిదా, ఎఫ్ 2), సాయి ధరమ్ తేజ్ (సుబ్రహ్మణ్యం ఫర్ సేల్, సుప్రీం)… ఇలా మెగా క్యాంప్ హీరోలతో రాజు నిర్మించిన పలు చిత్రాలు బాక్సాఫీస్ వద్ద వసూళ్ల వర్షం కురిపించాయి.

ఈ నేపథ్యంలో… మెగాస్టార్ చిరంజీవితోనూ రాజు ఓ భారీ బడ్జెట్ చిత్రాన్ని నిర్మించేందుకు సన్నాహాలు చేస్తున్నారట. ఈ మేరకు చిరు, రాజు మధ్య చర్చలు జరిగాయని… చిరు కూడా రాజు సంస్థలో సినిమా చేయడానికి ఆసక్తి చూపిస్తున్నారని టాలీవుడ్ టాక్. త్వరలోనే ఈ క్రేజీ ప్రాజెక్ట్ కు సంబంధించిన మరిన్ని వివరాలు వెల్లడయ్యే అవకాశం ఉంది.

చిరంజీవి 151 వ చిత్రం ‘సైరా నరసింహారెడ్డి’ అక్టోబర్ లో విడుదల కానుండగా… ఈ లోపు కొరటాల శివ దర్శకత్వంలో 152 వ చిత్రం ప్రారంభం కానుంది. అది విడుదల అయ్యేలోపు రాజు నిర్మించే సినిమా ప్రారంభం కావచ్చు. మరి… మెగా కాంపౌండ్ యంగ్ హీరోలకు అచ్చొచ్చిన ‘దిల్’ రాజు… మెగాస్టార్ తోను ఆ మ్యాజిక్ ను రిపీట్ చేస్తారేమో చూడాలి.