నటీనటులు : హర్షిత్ రెడ్డి , స్మేహ మణిమేఘలై ,నరేష్, ఝాన్సీ
సంగీతం: ఈశ్వర్ చంద్
సినిమాటోగ్రఫీ : వంశీ పచ్చిపులుసు
ఎడిటింగ్: హృషికేష్ పసపల్
దర్శకత్వం: శ్రీకాంత్ సంగీశెట్టి
నిర్మాతలు: వాసుదేవ్ కొప్పినేని, శ్రీదేవి కార్యంపూడి
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
యువ నటుడు హర్షిత్ రెడ్డి, నూతన నటి స్మేహ మణిమేఘలై జంటగా, సరికొత్త కథాంశంతో తెరకెక్కిన న్యూ ఏజ్ ఎమోషనల్ లవ్ స్టోరీ ‘దీవానా’ . శ్రీకాంత్ సంగీశెట్టి దర్శకత్వంలో రూపొందిన ఈ చిత్రం, టీజర్స్ మరియు ట్రైలర్స్తో ఇప్పటికే యూత్లో మంచి క్రేజ్ క్రియేట్ చేసింది. భారీ అంచనాల మధ్య ఈరోజే ప్రేక్షకుల ముందుకు వచ్చిన ఈ సినిమా, ప్రేక్షకులను ఏ మేరకు మెప్పించింది? ఈ సరికొత్త ప్రేమకథ థియేటర్లలో ఎలాంటి ఇంపాక్ట్ క్రియేట్ చేసిందో పూర్తి సమీక్షలో చూద్దాం.
కథ :
ఏ లక్ష్యమూ లేకుండా, స్నేహితులతో కలిసి సిగరెట్లు, మందు, గొడవలతో జల్సాగా తిరిగే ఒక సాధారణ మిడిల్ క్లాస్ కుర్రాడు మున్నా (హర్షిత్ రెడ్డి). అలాంటి మున్నా అనుకోకుండా ఒక ప్రభుత్వ ఉద్యోగి అయిన అమూల్య అలియాస్ అమ్ము (స్మేహ మణిమేఘలై)ని చూసి మొదటి చూపులోనే మనసు పారేసుకుంటాడు. ప్రంచంలో ఆమెకంటే అందమైన అమ్మాయి లేదనుకుని, అమ్ము ప్రేమను గెలుచుకోవడానికి ఆమె చుట్టూ తిరుగుతూ నిరంతరం ప్రయత్నిస్తుంటాడు. మొదట్లో మున్నా పద్ధతి నచ్చక అమ్ము అతడి ప్రేమను తీవ్రంగా నిరాకరిస్తుంది. కానీ, మున్నాలోని నిజాయితీ, ఆమెపై ఉన్న గాఢమైన ప్రేమను చూసి క్రమంగా అమ్ము మనసు మారుతుంది. అయితే, ఈ ప్రేమకథే మున్నా జీవితాన్ని ఎలా మార్చింది? విరామానికి ముందు, అలాగే పతాక సన్నివేశాల్లోఎదురయ్యే ఊహించని షాకింగ్ ఎలిమెంట్స్ ఏంటి? చివరకు మున్నా ప్రేమ ఫలించిందా లేదా? అనేదే ఈ చిత్ర ముఖ్య కథాంశం.
విశ్లేషణ:
దర్శకుడు శ్రీకాంత్ సంగీశెట్టికి ఇది మొదటి చిత్రమే అయినా, కథను రాసుకున్న తీరు, దాన్ని తెరపైకి తీసుకొచ్చిన విధానంలో మంచి స్పష్టత కనబరిచారు. ప్రథమార్ధంలో కొన్ని సన్నివేశాలు కాస్త రొటీన్గా అనిపించినప్పటికీ, ద్వితీయార్ధంలో కథనం ఎమోషనల్ వైపు మళ్లాక సినిమా వేగం పుంజుకుంటుంది. ముఖ్యంగా పోలీస్ స్టేషన్లో హీరోకి లాయర్ చెప్పే మాటలు, తండ్రి కష్టం గురించి అదుర్స్ రఘు వివరించే సీన్స్, హీరోయిన్ తన ప్రేమని వ్యక్తపరిచే సన్నివేశాలు భావోద్వేగాలతో హృదయాన్ని బరువెక్కిస్తాయి.
నటన పరంగా హీరో హర్షిత్ రెడ్డి మున్నా పాత్రలో ఒదిగిపోయారు. అల్లరి కుర్రాడిగా, ఇంటెన్స్ లవర్గా అద్భుతమైన వైవిధ్యం చూపించారు. కథానాయిక స్మేహ మణిమేఘలై చాలా అందంగా కనిపిస్తూనే, ఎమోషనల్ సీన్స్లో అద్భుతమైన నటనను ప్రదర్శించారు. బలగం వేణు, అదుర్స్ రఘు కొద్దిసేపే కనిపించినా కథకు కీలకంగా నిలిచారు. సాంకేతికంగా ఈశ్వర్ చంద్ అందించిన సంగీతం, వంశీ పచ్చిపులుసు కెమెరా పనితనం ప్రేమకథలోని గాఢతను పర్ఫెక్ట్గా ఎలివేట్ చేశాయి.
నటీనటుల పనితీరు:
మున్నా పాత్రలో హర్షిత్ రెడ్డి అద్భుతమైన నటనను కనబరిచారు. ఓల్డ్ సిటీ లోకల్ కుర్రాడిగా తెలంగాణ యాసలో డైలాగ్స్ చెప్తూ మాస్ ఎలివేషన్స్లో మెప్పించడమే కాకుండా, ద్వితీయార్ధంలోనూ, ముఖ్యంగా క్లైమాక్స్ సీన్స్లో తన ఎమోషనల్ యాక్టింగ్తో ప్రేక్షకుల కళ్లు చెమర్చేలా చేశారు. ఇక హీరోయిన్గా పరిచయమైన స్మేహ మణిమేఘలై కేవలం గ్లామర్కే పరిమితం కాకుండా, ఎంతో డెప్త్ ఉన్న పాత్రలో కళ్లతోనే హావభావాలు పలికించి బలమైన ఇంపాక్ట్ క్రియేట్ చేసింది. సీనియర్ నటుడు నరేష్ తండ్రి పాత్రలో జీవించేశారు, కొన్ని సీన్స్లో తన స్క్రీన్ ప్రెజెన్స్తో మిగతా వారిని డామినేట్ చేశారు. తల్లిగా ఝాన్సీ తన పాత్రలో ఒదిగిపోగా.. బలగం వేణు, అదుర్స్ రఘు కొద్దిసేపే కనిపించినా పోలీస్ స్టేషన్ మరియు కోర్టు రూమ్ సీన్స్లో కథను మలుపు తిప్పే కీలక నటనతో ఆకట్టుకున్నారు.
సాంకేతిక వర్గం పనితీరు :
దర్శకుడిగా పరిచయమైన శ్రీకాంత్ సంగీశెట్టి ఎంచుకున్న పాయింట్, చూపించిన ఎమోషనల్ కాన్ఫ్లిక్ట్ చాలా హార్డ్ హిట్టింగ్గా ఉంది. ప్రథమార్ధంలో కొన్ని సీన్స్ రొటీన్ లవ్ స్టోరీలా నడిపించినా, ఇంటర్వెల్ మరియు సెకండాఫ్ను ఎమోషనల్ రైడ్గా మలచడంలో సక్సెస్ అయ్యారు. ఈశ్వర్ చంద్ అందించిన పాటలు, ముఖ్యంగా బ్యాక్గ్రౌండ్ స్కోర్ లవ్ స్టోరీలోని పెయిన్ను పర్ఫెక్ట్గా ఎలివేట్ చేసింది. వంశీ పచ్చిపులుసు సినిమాటోగ్రఫీ విజువల్స్ చాలా నేచురల్గా, రిచ్గా ఉన్నాయి. హృషికేష్ పసపల్ ఎడిటింగ్ పర్వాలేదు. నిర్మాణ విలువలు కథకు తగ్గట్లుగా వున్నాయి.
ఓవరాల్ గా దీవాన యూత్ కి బాగా కనెక్ట్ అయ్యే సబ్జెక్టు తో ఆకట్టుకుందని చెప్పొచ్చు. ఊహించని ఇంటర్వెల్ ట్విస్ట్, గుండెల్ని పిండేసే క్లైమాక్స్ మరియు బలమైన భావోద్వేగాలతో సాగే ‘దీవాన’, ప్రేమకు నిజమైన అర్థాన్ని చెప్పే ఒక ప్యూర్ అండ్ హార్ట్ టచింగ్ న్యూ ఏజ్ లవ్ స్టోరీ.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
