ఆదర్శ కుటుంబం బ్లాక్బస్టర్ గ్యారంటీ – బ్రహ్మాజీ
Actor Brahmaji’s Speech at Adarsha Kutumbam Pre-Release Event

ఆదర్శ కుటుంబం చిత్రంలో కీలక పాత్ర పోషించిన సీనియర్ వర్సటైల్ నటుడు బ్రహ్మాజీ ప్రీ-రిలీజ్ వేడుకలో తన మార్క్ వినోదభరితమైన మాటలతో సందడి చేశారు. త్రివిక్రమ్ శ్రీనివాస్ దర్శకత్వంలో తాను వరుసగా సినిమాలు చేయడం పట్ల సంతోషం వ్యక్తం చేస్తూ, శిల్పకళావేదికలో జరిగిన ఈ వేడుకను ఉత్సాహపరిచారు.
“త్రివిక్రమ్ గారి దాదాపు అన్ని సినిమాల్లో నేను భాగమవడం నా అదృష్టం. ఆయన రాసిన డైలాగ్స్ను వెండితెరపై పలకడం నటీనటులకు ఒక గొప్ప ప్రివిలేజ్. ఈ సినిమా షూటింగ్ రోజులు కూడా ఎంతో సరదాగా, ఒక హాలిడేలా సాగిపోయాయి” అని బ్రహ్మాజీ పేర్కొన్నారు.
విక్టరీ వెంకటేష్ గారు ఎన్ని విజయాలు సాధించినా సెట్స్లో ఎంతో వినయంగా, యోగిలా ఉంటారని కొనియాడారు. ప్రొడ్యూసర్ చినబాబు గారు అందించిన సపోర్ట్ మరువలేనిదని చెబుతూ, అక్టోబర్ 30న థియేటర్లలోకి రాబోతున్న ఈ ‘ఆదర్శ కుటుంబం’ సినిమా ప్రేక్షకులకు అన్లిమిటెడ్ ఎంటర్టైన్మెంట్ పంచడం ఖాయమని బ్రహ్మాజీ ధీమా వ్యక్తం చేశారు.







