నటి వరలక్ష్మి శరత్ కుమార్ స్వీయ దర్శకత్వంలో తెరకెక్కిన ‘ఎస్. సరస్వతి’ చిత్రం ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతూ ఓటీటీ ప్రేక్షకులను విశేషంగా ఆకట్టుకుంటోంది. ఒక సున్నితమైన సామాజిక అంశానికి సైకలాజికల్ క్రైమ్ థ్రిల్లర్ అంశాలను జోడించి రూపొందించిన ఈ సినిమా, మాతృత్వంలోని పోరాట పటిమను అద్దం పడుతోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ చిత్ర కథాంశం లక్ష్మి (వరలక్ష్మి శరత్ కుమార్) అనే ఒక మధ్యతరగతి తల్లి చుట్టూ తిరుగుతుంది. తన 12 ఏళ్ల కుమార్తె సరస్వతిని స్కూల్లో దింపి వచ్చిన ఆమెకు, సాయంత్రం ఒక చేదు నిజం ఎదురవుతుంది. తన బిడ్డ కనిపించకుండా పోవడమే కాకుండా, అసలు ఆ పేరున్న అమ్మాయి తమ స్కూల్లో చదవడం లేదని యాజమాన్యం బుకాయించడంతో కథ ఊహించని మలుపులు తిరుగుతుంది. వ్యవస్థలోని లోపాలను ఎండగడుతూ, తన బిడ్డను వెతుక్కునే క్రమంలో లక్ష్మి ఎదుర్కొన్న మానసిక ఆందోళనలు మరియు ఆమె చేసిన సాహసోపేతమైన పోరాటమే ఈ సినిమా.
వరలక్ష్మి శరత్ కుమార్ ఈ చిత్రంతో దర్శకురాలిగా తనదైన ముద్ర వేశారు. కేవలం నటిగానే కాకుండా, తెర వెనుక కూడా ప్రతిభను చాటుకుంటూ ప్రతి సన్నివేశాన్ని ఎంతో ఉత్కంఠభరితంగా మలిచారు. ముఖ్యంగా కోర్టు రూమ్ డ్రామాలో ప్రకాష్ రాజ్ మరియు రావు రమేష్ మధ్య సాగే వాదోపవాదాలు సినిమాకు ప్రాణంగా నిలిచాయి. ఇన్వెస్టిగేషన్ ఆఫీసర్గా మురళీ శర్మ తన గంభీరమైన నటనతో ఆకట్టుకోగా, ఫ్లాష్ బ్యాక్ ఎపిసోడ్స్లో ప్రియమణి పాత్ర కథకు ఒక బలమైన ఎమోషనల్ టచ్ ఇచ్చింది. ఎస్.ఎస్. తమన్ అందించిన నేపథ్య సంగీతం సినిమాలోని సీరియస్ నెస్ను మరియు సస్పెన్స్ను ప్రతి క్షణం ఎలివేట్ చేస్తూ ప్రేక్షకులను కథలో లీనమయ్యేలా చేసింది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
