మెగాస్టార్ చిరంజీవి ప్రధాన పాత్రలో అనిల్ రావిపూడి దర్శకత్వంలో రూపొందిన భారీ ఫ్యామిలీ యాక్షన్ ఎంటర్టైనర్ ‘మన శంకర వరప్రసాద్ గారు’ సినిమా విడుదలకు సిద్ధమవుతున్న తరుణంలో ఆంధ్రప్రదేశ్ ప్రభుత్వం చిత్ర యూనిట్కు తీపి కబురు అందించింది. సంక్రాంతి కానుకగా జనవరి 12న విడుదల కానున్న ఈ సినిమాకు టికెట్ ధరల పెంపుతో పాటు అదనపు షోలకు అనుమతినిస్తూ ప్రభుత్వం అధికారికంగా జీవో జారీ చేసింది. ముఖ్యంగా విడుదల కావడానికి ఒక రోజు ముందే, అంటే జనవరి 11 ఆదివారం రాత్రి 8 గంటల నుండి 10 గంటల మధ్య నిర్వహించనున్న పెయిడ్ ప్రీమియర్ల కోసం ఒక్కో టికెట్ ధరను జీఎస్టీతో కలిపి గరిష్టంగా రూ. 500 వరకు వసూలు చేసుకునేందుకు వెసులుబాటు కల్పించింది. ఈ నిర్ణయం మెగా అభిమానుల్లో పండుగ ఉత్సాహాన్ని రెట్టింపు చేసింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక సోమవారం (జనవరి 12) నుంచి ప్రారంభమయ్యే రెగ్యులర్ షోల కోసం కూడా టికెట్ ధరలను సవరించారు. ప్రభుత్వం ఇచ్చిన అనుమతుల ప్రకారం మొదటి పది రోజుల పాటు సింగిల్ స్క్రీన్లలో ఒక్కో టికెట్పై రూ. 100, మల్టీప్లెక్స్లలో రూ. 125 చొప్పున అదనంగా పెంచుకోవచ్చు. దీనితో ఆంధ్రప్రదేశ్లో సింగిల్ స్క్రీన్లలో టికెట్ ధర రూ. 247 గా, మల్టీప్లెక్స్లలో రూ. 302 గా ఖరారైంది. టికెట్ ధరల పెంపుతో పాటు, రద్దీని దృష్టిలో ఉంచుకుని రోజుకు ఐదు ప్రదర్శనలు నిర్వహించుకోవడానికి కూడా ప్రభుత్వం గ్రీన్ సిగ్నల్ ఇచ్చింది. భారీ నిర్మాణ వ్యయం మరియు పండుగ సీజన్ను పరిగణనలోకి తీసుకుని ప్రభుత్వం ఈ సానుకూల నిర్ణయం తీసుకోవడం సినిమా వసూళ్లకు పెద్ద ప్లస్ పాయింట్గా మారనుంది.
ఈ చిత్రంలో చిరంజీవి సరసన నయనతార కథానాయికగా నటించగా , విక్టరీ వెంకటేష్ ఒక కీలకమైన ఎక్స్టెండెడ్ క్యామియో పాత్రలో మెరవనున్నారు. భీమ్స్ సిసిరోలియో అందించిన సంగీతం ఇప్పటికే చార్ట్బస్టర్గా నిలవగా, సాహు గారపాటి మరియు సుస్మిత కొణిదెల అత్యంత ప్రతిష్టాత్మకంగా ఈ చిత్రాన్ని నిర్మించారు. తాజాగా వినిపిస్తున్న సమాచారం ప్రకారం, ఈ సినిమాలో ప్రేక్షకులకు ఒక భారీ సర్ప్రైజ్ ఉండబోతోంది. అదే ఒక ‘సీక్రెట్ స్పెషల్ సాంగ్’. ఈ పాటను నేరుగా థియేటర్లలోనే చూసి ఎంజాయ్ చేసేలా ప్లాన్ చేశారని టాక్ వినిపిస్తోంది. సుమారు 2 గంటల 44 నిమిషాల నిడివితో వస్తున్న ఈ చిత్రం, సంక్రాంతి బరిలో ఉన్న ఇతర చిత్రాలతో గట్టి పోటీని ఇవ్వడానికి సిద్ధమైంది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
