చార్మింగ్ స్టార్ శర్వానంద్, విజనరీ డైరెక్టర్ సంపత్ నంది కొలాబరేషన్లో వస్తోన్న లేటెస్ట్ మూవీ ‘భోగి’. 1960లో ఉత్తర తెలంగాణ-మహారాష్ట్ర సరిహద్దు నేపథ్యంలో జరిగిన కథతో రూపొందుతోన్న ఈ సినిమా ప్రేక్షకులకు మరపురాని అనుభూతిని అందించబోతోంది. ఈ చిత్రం హై-స్టేక్స్ పీరియాడిక్ యాక్షన్ డ్రామాగా తెరకెక్కుతోంది. ప్రస్తుతం షూటింగ్ జరుపుకుంటోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ నేపథ్యంలో ఇందులో నటిస్తోన్న యంగ్ అండ్ ట్యాలెంటెడ్ నటి డింపుల్ హయాతి జన్మదినం సందర్భంగా, ‘భోగి’ చిత్ర బృందం ఆమెకు ఒక ప్రత్యేక బహుమతిని అందించింది. ఈ సినిమా నుండి డింపుల్ హయతి స్పెషల్ పోస్టర్ను విడుదల చేసి, ఆమెకు పుట్టినరోజు శుభాకాంక్షలు తెలిపారు. కాగా ‘భోగి’ సినిమాలో ఆమె కీలక పాత్రలో కనిపిస్తున్నారు.
ఈ పోస్టర్లో డింపుల్ హయతి తెలుపు రంగు దుస్తుల్లో చిరునవ్వులు చిందిస్తూ ఎంతో సహజంగా కనిపిస్తున్నారు. ఆమె నవ్వు, కళ్ళలో కనిపించిన అమాయకత్వం పాత్రకు జీవం పోస్తున్నాయి. పోస్టర్ చూస్తుంటే, ఆమె ఈ సినిమాలో పక్కింటి అమ్మాయి లాగా, ఎంతో సాధారణమైన పాత్రలో కనిపిస్తున్నారని అర్థమవుతోంది. ఈ లుక్ ఆమెకు చాలా కొత్తగా ఉంది.
ఇది ఆమె కెరీర్లో అత్యంత ఉత్తేజకరమైన పాత్రలలో ఒకదానితో కూడిన అద్భుతమైన చిత్రం అవుతుంది అని ఈ సందర్భంగా చిత్ర యూనిట్ పేర్కొంది. ఇక గతంలో డింపుల్ ‘గద్దలకొండ గణేష్’, ‘ఖిలాడి’ వంటి చిత్రాలలో గ్లామరస్ పాత్రలలో కనిపించారు. కాగా భోగిలో డింపుల్ హయతితో పాటు మలయాళీ ముద్దుగుమ్మ అనుపమ పరమేశ్వరన్ మరో హీరోయిన్గా నటిస్తోంది.
ఇక ఈ చిత్రానికి భీమ్స్ సిసిరోలియో సంగీతం అందిస్తుండగా.. కిరణ్ కుమార్ మన్నె ఆర్ట్ డైరెక్టర్గా పని చేస్తున్నారు. ఈ గ్రిప్పింగ్, హై-వోల్టేజ్ యాక్షన్ డ్రామాను శ్రీ సత్యసాయి ఆర్ట్స్ బ్యానర్పై కెకె రాధామోహన్ భారీ బడ్జెట్తో నిర్మిస్తుండగా.. లక్ష్మీ రాధామోహన్ సమర్పిస్తున్నారు. కాగా ఈ సినిమాను తెలుగు, తమిళం, కన్నడ, మలయాళం, హిందీ భాషల్లో విడుదల చేసేందుకు మేకర్స్ ప్లాన్ చేస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
