బాలీవుడ్ లేటెస్ట్ బ్లాక్ బస్టర్ ‘ఛావా’ తెలుగులోనూ దుమ్మురేపుతోంది. రీసెంట్‌గా తెలుగు రాష్ట్రాల్లో విడుదలైన ఈ సినిమా బాక్సాఫీస్ వద్ద రికార్డు కలెక్షన్స్‌ను రాబడుతుంది. ఫస్ట్ షో నుంచే పాజిటివ్ టాక్ తెచ్చుకున్న ఈ మూవీ విడుదలైన అన్నిచోట్లా సక్సెస్ ఫుల్‌గా రన్ అవుతోంది. ఈ క్రమంలో తెలుగు వెర్షన్‌లో ఇప్పటివరకూ నాలుగు రోజుల్లో మొత్తం 10.91 కోట్లకు పైగా గ్రాస్ వసూళ్లు రాబట్టి టాక్ ఆఫ్ ది ఇండస్ట్రీగా నిలిచింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇప్పటికే హిందీలో ఈ చిత్రం రూ.600 కోట్లకు పైగా కలెక్షన్స్ సాధించి దూసుకుపోతోంది. ఈ నేపథ్యంలో ఈ సినిమాను గీతా ఆర్ట్స్ సంస్థ రెండు తెలుగు రాష్ట్రాలలో 550కి పైగా థియేటర్లలో గ్రాండ్ రిలీజ్ చేసిన విషయం తెలిసిందే. అయితే ఒరిజినల్ వెర్షన్ రిలీజై మూడు వారాల గ్యాప్ తరువాత విడుదలైనా ఇక్కడా పాజిటివ్ రెస్పాన్స్ తెచ్చుకుంది. దీంతో తొలి రోజు 3.03కోట్ల గ్రాస్‌తో అదిరిపోయే వసూళ్లను రాబట్టుకుని గ్రాండ్ ఓపెనింగ్ తెచ్చుకుంది.
అయితే ఓవరాల్‌గా చూస్తే ఇంతకుముందు ‘యానిమల్, జవాన్’ చిత్రాలు తెలుగులో సాలిడ్ కలెక్షన్స్ అందుకున్నాయి. ఇదే క్రమంలో ఇప్పుడు ఛావా హవా కొనసాగిస్తోంది. తద్వారా తెలుగులో అత్యధిక ఓపెనింగ్స్ రాబట్టిన మూడో హిందీ డబ్బింగ్ సినిమాగా నిలిచింది ఛావా. ఇక ఈ సినిమాకు వస్తున్న రెస్పాన్స్ చూసి నిర్మాత బన్నీ వాస్ తాజాగా సక్సెస్ మీట్ కూడా నిర్వహించారు.
కాగా మరాఠా యోధుడు శివాజీ మహారాజ్ కుమారుడు శంభాజీ మహారాజ్ జీవిత చరిత్ర ఆధారంగా డైరెక్టర్ లక్ష్మణ్ ఉటేకర్ తెరకెక్కించిన ఈ సినిమాలో విక్కీ కౌశల్ శంభాజీగా నటించగా.. నేషనల్ క్రష్ రష్మిక మందన్న ఆయన భార్య యేసుబాయి భోంస్లేగా కనిపించింది. అలాగే బాలీవుడ్ సీనియర్ నటుడు అక్షయ్ ఖన్నా ఔరంగజేబుగా, డయానా పెంటీ జినత్-ఉన్-నిస్సా బేగంగా, అశుతోష్ రాణా హంబిర్రావ్ మోహితేగా, దివ్య దత్తా సోయారాబాయిగా కీలక పాత్రలు పోషించారు. ఏఆర్ రెహమాన్ సంగీతం అందించిన ఈ సినిమాను దినేష్ విజన్ గ్రాండ్‌గా నిర్మించాడు.
ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
