ఐకాన్‌ స్టార్‌ అల్లు అర్జున్, జీనియస్‌ దర్శకుడు సుకుమార్ కలయికలో అత్యంత ప్రతిష్టాత్మక నిర్మాణ సంస్థ మైత్రీ మూవీ మేకర్స్‌, సుకుమార్ రైటింగ్స్‌తో కలిసి నిర్మించిన ఇండియన్ బిగ్గెస్ట్ బ్లాక్‌బస్టర్‌ ‘పుష్ప-2’ ది రూల్‌. ఈ చిత్రాన్ని అత్యంత భారీ వ్యయంతో అన్‌ కాంప్రమైజ్‌డ్‌గా నిర్మించారు నిర్మాతలు నవీన్‌ ఎర్నేని, యలమంచిలి రవిశంకర్‌. డిసెంబరు 5న విడుదలైన ఈ చిత్రం ప్రపంచస్థాయిలో ఎంతటి గొప్ప విజయం సాధించింతో అందరికి తెలిసిందే.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇండియన్ సినిమాలో అత్యధిక వసూళ్లు సాధించిన చిత్రంగా ‘పుష్ప-2’ సరికొత్త రికార్డులు సృష్టించింది. రష్మిక మందన్నా నాయికగా నటించిన ఈ చిత్రానికి రాక్‌స్టార్‌ దేవి శ్రీ ప్రసాద్ సంగీతం అందించారు. కాగా ఈచిత్రం థ్యాంక్స్‌ మీట్‌ శనివారం హైదరాబాద్‌లో జరిగింది. ఈవేడుకలో చిత్రం యూనిట్‌ నటీనటులకు, సాంకేతిక నిపుణులకు హీరో అల్లు అర్జున్, దర్శకుడు సుకుమార్, నిర్మాతలు నవీన్‌ ఎర్నేని, రవి శంకర్‌ చేతుల మీదుగా షీల్డులు బహుకరించారు.
ఈ సందర్భంగా హీరో అల్లు అర్జున్ డైరెక్టర్ సుకుమార్ మరియు చిత్ర బృందానికి కృతజ్ఞతలు తెలిపారు. అల్లు అర్జున్ ఏమన్నారో ఆయన మాటల్లోనే.. ” పుష్ప జర్నీలో ఐదు నిమిషాల నుండి ఐదు ఏళ్ల వరకు పనిచేసిన అందరికి నా కృతజ్క్షతలు. పుష్ప పోస్టర్‌లో నా ఫోటో చూసుకున్న ప్రతిసారి.. నా మీద ఈ టీమ్ అంతా చూపిన ప్రేమే కనిపించింది. మీరు ఎంతో కష్టపడి అద్బుతమైన సినిమా ఇచ్చారు.”
“నిర్మాతలు రవి, నవీన్‌ గారు లేకుంటే పుష్ప సాధ్యమయ్యేది కాదు. మీరు లేకపోతే ఇలాంటి సినిమా తీసేవాళ్లం కాదు. ఈ ఐదు సంవత్సరాలు ఎంతో బాగా చూసుకున్నారు. సెట్‌లో ఎవరూ లేకున్న చెర్రీ గారు లేకుండా పుష్ప షూటింగ్‌ జరగదు. ప్రతి డిపార్ట్‌మెంట్‌కు నా హృదయపూర్వక కృతజ్క్షతలు. దేవిశ్రీప్రసాద్‌ నా సాంగ్స్‌ను బిలియన్స్‌లో చూపించాడు. దేవిశ్రీ ప్రసాద్ తన అద్భుతమైన సంగీతంతో సినిమాకు ఎనర్జీ ఇచ్చాడు.”
“ఈ సినిమా ప్రపంచవ్యాప్తంగా ఆదరించిన పుష్ప అభిమానులకు నా థ్యాంక్స్‌. నేను సుకుమార్‌కు థ్యాంక్స్‌ చెప్పి వదిలేయలేను. ఎందుకంటే అందరికి హిట్‌ ఇచ్చేది దర్శకుడే. ఈ సినిమా విషయంలో అందరూ సుకుమార్‌కు థ్యాంక్స్‌ చెప్పాలి. సుకుమార్ మాత్రం ఈ సినిమా విజయంలో అందరికి క్రెడిట్‌ ఇస్తాడు. కానీ అందరికి క్రెడిట్‌ ఇవ్వడానికి కారణం దర్శకుడు సుకుమారే. నా నటనకు ఎంతో మంచి పేరు వచ్చింది. దీనికి కారణం దర్శకుడు సుకుమారే.”
“సుకుమార్‌కు నేను బిగ్గెస్ట్ ఫ్యాన్‌ని, ఆయన సీన్‌ చెబుతుంటే నాకు పిచ్చెక్కిపోతుంది. జీనియస్‌ దర్శకుడు సుకుమార్. నేను పుష్ప-2 షూటింగ్‌ అయిపోయన తరువాత ఎంతో ఎమోషనల్ అయ్యాను. పుష్ప అనేది ఓ ఎమోషన్‌. ఈ సినిమా జరుగుతున్నప్పుడు ఐదు సంవత్సరాలు సుకుమార్ ఏది చెబితే అది చేశాం. ఈ సినిమాకు వెచ్చించిన ఐదు సంవత్సరాలు అందరికి జీవితాంతం గుర్తుండిపోతుంది. ఈ ఐదేళ్లు ప్రతి ఒక్కరికి ప్రతి సెకనుకు ఎంతో ఉపయోగపడింది. ఈ సినిమా సక్సెస్‌ను నా అభిమానులకు అంకితం చేస్తున్నాం. పుష్ప-3 ఏంటో తెలియదు కాదు కానీ ఓ అద్బుతంలా కనిపిస్తుంది” అని ముగించారు.
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
