విష్ణు మంచు టైటిల్ రోల్ లో నటిస్తున్న తాజా చిత్రం ‘కన్నప్ప’. తన డ్రీమ్ ప్రాజెక్ట్ గా తెరకెక్కుతోన్న ఈ మూవీ నుంచి ప్రతీ సోమవారం ఒక అప్డేట్ వస్తుందని ఇంతకుముందు ఆయన ప్రకటించిన విషయం తెలిసిందే. చెప్పినట్టుగానే ఈ భారీ ప్రాజెక్టు నుంచి ప్రతీ సోమవారం ఒక ఇంట్రెస్టింగ్ అప్డేట్ అందిస్తున్నారు. ఈ సినిమాలోని విభిన్న పాత్రలను పోషించిన దిగ్గజ నటీనటుల పోస్టర్లను రిలీజ్ చేస్తూ సినిమాపై క్యూరియాసిటీ పెంచేస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇప్పటికే ఈ చిత్రం నుంచి మోహన్ బాబు, మోహన్ లాల్, మధుబాల, శరత్ కుమార్, దేవరాజ్, హీరోయిన్ ప్రీతి ముఖుంధన్ వంటి వారు పోషించిన పాత్రల పోస్టర్స్ రిలీజ్ చేసి అంచనాలు పెంచింది. ఇక ఇటీవలే బాలీవుడ్ స్టార్ హీరో అక్షయ్ కుమార్ నటిస్తున్న మహా శివుడి పాత్రకు సంబంధించి లుక్ రివీల్ చేశారు. ఈ క్రమంలో తాజాగా మరో కీలక అప్డేట్ అందించింది కన్నప్ప టీం. ఈ సినిమాలో ఎంతో ప్రాముఖ్యత కలిగిన ఒక పాత్రలో టాలీవుడ్ స్టార్ హీరో, యంగ్ రెబల్ స్టార్ ప్రభాస్ నటిస్తున్నాడు.
ఈ నేపథ్యంలో తాజాగా ఆయన క్యారక్టర్ ఫస్ట్ లుక్ ఫిబ్రవరి 3న రిలీజ్ చేయనున్నారు. ఈ మేరకు ఎక్స్ వేదికగా వెల్లడించారు మేకర్స్. అయితే ఇందుకు సంబంధించిన ప్రీ లుక్ నేడు రివీల్ చేశారు. దీంతో ఆయన రోల్ ఎలా ఉండబోతుందో? ఏ పాత్రలో ప్రభాస్ కనిపించనున్నాడు? అని ఆయన అభిమానులతో పాటు మూవీ లవర్స్ అందరూ తెగ ఆసక్తిగా ఎదురుచూస్తున్నారు. కాగా ప్రస్తుతం ఈ పోస్టర్ విడుదల చేసిన కాసేపట్లోనే వైరల్ గా మారింది.
ఇకపోతే, ఈ వరుస అప్డేట్స్ మూవీపై మంచి హైప్ క్రియేట్ చేశాయి. కన్నప్ప చిత్రంలో దేశవ్యాప్తంగా అన్ని ప్రధాన భాషలకు చెందిన ప్రముఖ నటీనటులు నటిస్తున్న విషయం తెలిసిందే. మోహన్ బాబు నిర్మిస్తున్న ఈ చిత్రాన్ని ముఖేష్ కుమార్ సింగ్ డైరెక్ట్ చేస్తున్నారు. సినిమాటిక్ ఎక్స్పీరియెన్స్ ఇచ్చే విజువల్ వండర్గా కన్నప్ప ప్రేక్షకుల ముందుకు రాబోతోంది. ధైర్యవంతుడైన యోధుడు శివుని భక్తుడైన కన్నప్ప కథను అద్భుతంగా మలుస్తున్న చిత్ర యూనిట్.. ఏప్రిల్ 25, 2025న ఈ సినిమాను రిలీజ్ చేయబోతోంది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్




మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: