యంగ్ టైగర్ ఎన్టీఆర్ హీరోగా నటిస్తోన్న మోస్ట్ అవైటెడ్ మూవీ ‘దేవర’. రెండు భాగాలుగా రూపొందుతోన్న ఈ చిత్రంలో తారక్ డ్యూయెల్ రోల్స్ పోషిస్తున్నారు. కొర‌టాల శివ ద‌ర్శ‌క‌త్వంలో తెర‌కెక్కుతోన్న ఈ సినిమా విడుదలకు ముందే అనేక సంచ‌ల‌నాల‌ను క్రియేట్ చేస్తోంది. ఎన్టీఆర్ అభిమానులు స‌హా అంద‌రూ ఎంతో ఆతృత‌గా ఈ మూవీ కోసం వెయిట్ చేస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
దేవర నుంచి ఇప్పటివరకూ రిలీజ్ చేసిన ప్రమోషనల్ కంటెంట్ సూపర్ రెస్పాన్స్ అందుకుంది. రీసెంట్‌గా ముంబైలో గ్రాండ్ లెవ‌ల్లో ట్రైల‌ర్‌ను రిలీజ్ చేసిన సంగ‌తి తెలిసిందే. ప్ర‌పంచ వ్యాప్తంగా ఈ ట్రైల‌ర్‌కు ఎక్స్‌ట్రార్డిన‌రీ రెస్పాన్స్ వ‌చ్చింది. అన్నీ భాష‌ల్లో క‌లిపి మిలియ‌న్స్ వ్యూస్‌తో ట్రైల‌ర్ సెన్సేష‌న్ క్రియేట్ చేసింది. దీంతో ఇప్ప‌టికే సినిమాపై ఉన్న ఎక్స్‌పెక్టేష‌న్స్ నెక్ట్స్ లెవ‌ల్‌కు చేరుకున్నాయి.
అలాగే ఈ చిత్రం నుంచి విడుదల చేసిన పాటలన్నీ చార్ట్ బస్టర్‌గా నిలిచాయి. ఫస్ట్ సింగిల్ ఫియర్, సెకండ్ సింగిల్ చుట్టమల్లే, మూడోది దావుది మ్యూజిక్ లవర్స్‌ను బాగా ఇంప్రెస్ చేశాయి. ఈ నేపథ్యంలో తాజాగా దేవర టీమ్ ఓ క్రేజీ అప్‌డేట్ అందించింది. ఈ మూవీ నుంచి మరో పాటను రిలీజ్ చేయనున్నట్టు ప్రకటించింది. ‘ఆయుధ పూజ’ అంటూ సాగే ఈ సాంగ్ ను రేపు ఉదయం విడుదలచేయనున్నట్టు వెల్లడించింది. కాగా ఈ పాట సినిమాలో కీలకంగా ఉంటుందని యూనిట్ వర్గాలు తెలిపాయి.
జాన్వీ క‌పూర్ హీరోయిన్‌గా నటిస్తోన్న ఈ సినిమాలో మరో బాలీవుడ్ స్టార్ సైఫ్ అలీఖాన్ కీల‌క పాత్ర‌లో న‌టించారు. అలాగే దేవర చిత్రంలో ప్ర‌కాష్ రాజ్‌, శ్రీకాంత్‌, షైన్ టామ్ చాకో, అజ‌య్, గెట‌ప్ శీను త‌దిత‌రులు ఇత‌ర కీల‌క పాత్ర‌ల్లో న‌టించారు. ర‌త్న‌వేలు సినిమాటోగ్రాఫ‌ర్‌గా, శ్రీక‌ర్ ప్ర‌సాద్ ఎడిట‌ర్‌, సాబు శిరిల్ ప్రొడ‌క్ష‌న్ డిజైన‌ర్‌గా వ‌ర్క్ చేశారు.
నంద‌మూరి క‌ళ్యాణ్ రామ్ స‌మ‌ర్ప‌ణ‌లో ఎన్టీఆర్ ఆర్ట్స్, యువ సుధ ఆర్ట్స్ ప‌తాకాల‌పై మిక్కిలినేని సుధాక‌ర్‌, హ‌రికృష్ణ.కె ఈ సినిమాను నిర్మిస్తున్నారు. ప్ర‌పంచ వ్యాప్తంగా సెప్టెంబ‌ర్ 27న దేవర చిత్రం తెలుగు, హిందీ, త‌మిళ, కన్నడ, మ‌లయాళ భాష‌ల్లో గ్రాండ్ రిలీజ్ కానుంది.
ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
