‘సరిపోదా శనివారం’ సినిమా కలిసొచ్చే కాలానికి నడిచొచ్చే సినిమా అని పేర్కొన్నారు నేచురల్ స్టార్ నాని. ఈ మేరకు ఆయన తాజాగా జరిగిన ఈ మూవీ ప్రీ రిలీజ్ వేడుకలో పాల్గొని ప్రసంగించారు. ప్రియాంక అరుల్ మోహన్, SJ సూర్య, సాయి కుమార్, అజయ్, అదితి బాలన్, మురళీ శర్మ, అజయ్ ఘోష్, హర్షవర్ధన్, శుభలేఖ సుధాకర్ తదితరులు నటిస్తున్న ఈ చిత్రాన్ని డివివి ఎంటర్టైన్మెంట్ బ్యానర్పై డివివి దానయ్య, కళ్యాణ్ దాసరి హై బడ్జెట్, భారీ కాన్వాస్తో నిర్మించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఆగస్ట్ 29న తెలుగు, తమిళం, కన్నడ, మలయాళం, హిందీ భాషల్లో ఈ చిత్రం గ్రాండ్గా విడుదలవుతోంది. ఈ నేపథ్యంలో తాజాగా ‘సరిపోదా శనివారం’ ప్రీ రిలీజ్ వేడుక హైదరాబాద్ లోని నోవాటెల్ లో ఘనంగా జరిగింది. ఈ సందర్భంగా హీరో నాని చిత్ర విశేషాలు వివరించారు. నాని ఏమన్నారో ఆయన మాటల్లోనే.. “అందరికీ థ్యాంక్స్. ఈరోజు వచ్చిన దర్శకులకు నాతో కనెక్షన్ వుంది. త్వరలో తెలుస్తుంది మీకు. సినిమా గురించి చాలా చెప్పేశాను. టీజర్, ట్రైలర్ ఏది రిలీజ్ చేసినా అందరూ ఓన్ చేసుకుని ఆదరించారు. ట్రైలర్లో చిన్నగా అరిశాను. ఈనెల 29న అందరూ అంత రేంజ్లో సక్సెస్ ఇవ్వాలి.”
“వివేక్ ఏమి తీశాడో 29న మీకే తెలుస్తుంది. వివేక్ శివతాండవం ఈ సినిమాలో చూపించాడు. ఇది వివేక్కు మైల్ స్టోన్లా వుంటుంది. వివేక్తో పనిచేయాలంటే టీమ్ చాలా కష్టపడాలి. మా కష్టాన్ని చూసి మీరు ఎంజాయ్ చేస్తారని భావిస్తున్నా. జేక్స్ నా ఫ్యాన్. టెన్షన్ వున్నప్పుడు జేక్స్ ఆర్ఆర్ వింటే రిలీఫ్గా వుంటుంది. మా నిర్మాత దానయ్య గారు.. ఈ సినిమా కథ తెలీయదు. లొకేషన్కు వచ్చి అన్నీ మీరే చూసుకోండని అంటారు. కానీ ఆయనకు అదృష్టం వుంది. అందుకే సరిపోదా శనివారం, ఓజీ లాంటి కథలు ఆయన్ను వెతుక్కుంటూ వస్తాయి.
“ఈ సినిమా సక్సెస్లో అందరికి భాగం వుంది. ఎగ్జిబిబటర్లు, పంపిణీదారులకు చెప్పాలంటే, కలిసివచ్చే కాలం వస్తే నడిచి వచ్చే సినిమా వస్తుందంటారు.. అలాంటి సినిమా సరిపోదా శనివారం. సాయికుమార్ గారు నాకు ఫాదర్గా చేశారు. కానీ బాబాయ్లా అనిపిస్తారు. ఆయనతో నటించడం పాజిటివ్ వైబ్రేషన్స్ వస్తాయి. అభిరామి, అతిథి చక్కగా నటించారు. అలీ ఇందులో భాగం అయ్యారు.”
“ప్రియాంకతో ఆఫ్ స్క్రీన్లో ప్రేమలో పడతారు. ఈ సినిమాలో సూర్య, చారు పాత్రలను దర్శకుడు వివేక్ చక్కగా డీల్ చేశాడు. ఇక ఎస్.జె. సూర్య పాత్రకు మంచి పేరు వస్తుంది. దయా పాత్రకు ఆయనే సరియైన నటుడు. ఆగస్టు 29న పోతారు, అందరూ పోతారు, అందరూ థియేటర్కు పోతారు. 29న సరిపోదా శనివారం చూస్తారు” అని పేర్కొన్నారు హీరో నాని.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు :
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
