కొన్ని సార్లు ఎంతో ఎక్స్ పెక్టేషన్స్ తో వచ్చే సినిమాలు కూడా బాక్సాఫీస్ వద్ద బోల్తా కొడుతుంటాయి. ఎంత పెద్ద హీరో అయినా.. ఎంత పెద్ద డైరెక్టర్ అయినా సినిమాలో కంటెంట్ లేకపోతే ఎలాంటి రిజల్ట్ వస్తుందో ఇప్పటికే ప్రేక్షకులు చూపించారు. ఇప్పుడు మరో సినిమా విషయంలో అది నిరూపించారు ఆడియన్స్. లోకనాయకుడు కమల్ హాసన్, లెజెండరీ డైరెక్టర్ శంకర్ కాంబినేషన్ లో వచ్చిన సినిమా భారతీయుడు. ఈసినిమా ఈసినిమా 1996 లో వచ్చిన భారతీయుడు సినిమాకు సీక్వెల్ గా వచ్చిన సంగతి తెలిసిందే కదా. భారతీయుడు సినిమా అప్పట్లో సంచలనాలు సృష్టించింది. ఇదే నమ్మకంతో ఈసినిమా కూడా అలాంటి రిజల్ట్ నే అందిస్తుందని అనుకున్నారు. అలా ఎన్నో అంచనాల మధ్య ఈసినిమా జులై 12వ తేదీన ప్రేక్షకుల ముందుకు వచ్చింది. అయితే ఈసినిమా ప్రేక్షకుల అంచనాలను అందుకోలేకపోయింది. బాక్సాఫీస్ వద్ద ఫ్లాప్ గా నిలిచింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఈసినిమా ఓటీటీ రిలీజ్ కు సంబంధించి ఇప్పటికే అప్ డేట్ వచ్చిన సంగతి తెలిసిందే కదా. ఆగష్ట్ 9వ తేదీన ఈసినిమాను ఓటీటీలో రిలీజ్ చేయనున్నట్టు తెలిపారు. ఈనేపథ్యంలోనే నేడు ఈసినిమా స్ట్రీమింగ్ కు వచ్చేసింది. తమిళ్ తో పాటు తెలుగు, మలయాళం, కన్నడ భాషల్లో కూడా ఈసినిమా అందుబాటులోకి వచ్చేసింది. ఈసినిమా రన్ టైమ్ 3 గంటలు ఉండగా.. అది కూడా ఒక మైనస్ పాయింట్ అన్న అభిప్రాయాలు వచ్చాయి. దీంతో ఓటీటీ వెర్షన్ లో దాదాపు 15 నిమిషాలు ట్రిమ్ చేశారు మేకర్స్. కాగా ఈసినిమా ఓటీటీ రిలీజ్ హక్కులను ప్రముఖ ఓటీటీ సంస్థ అయిన నెట్ ఫ్లిక్స్ వారు సొంతం చేసుకున్న సంగతి తెలిసిందే. మరి థియేటర్లలో చూడని వారు ఓటీటీ లో చూసి ఎంజాయ్ చేసేయండి.
ఈ సినిమాలో కాజల్ అగర్వాల్, రకుల్ ప్రీత్ సింగ్, ప్రియ భవాని శంకర్ ఫీమేల్ లీడ్ లో నటించగా.. సిద్ధార్ధ్, సముద్రఖని ముఖ్య పాత్రలలో నటించారు. లైకా ప్రొడక్షన్స్, రెడ్ జియాంట్ మూవీస్ పై ఉదయనిధి స్టాలిన్, సుభాస్కరన్ నిర్మించిన ఈసినిమాకు.. అనిరుధ్ రవిచందర్ సంగీతం అందించాడు.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
