టాలీవుడ్ లో గత కొంతకాలంగా రీ-రిలీజ్ ట్రెండ్ నడుస్తుండటం తెలిసిందే. గతంలో సూపర్ హిట్ అయిన స్టార్ హీరోల చిత్రాలను మేకర్స్ మళ్ళీ థియేటర్లలో రిలీజ్ చేస్తున్నారు. దీంతో ఆయా హీరోల అభిమానులు మరోసారి తమ ఫేవరేట్ హీరోను బిగ్ స్క్రీన్పై చూసి మురిసిపోతున్నారు. ఇలా ఇప్పటికే పలువురు అగ్ర హీరోల సినిమాలు రీ-రిలీజ్ అయ్యి నిర్మాతలకు కలెక్షన్ల వర్షం కురిపించాయి. ఇదే కోవలో తాజాగా మరో స్టార్ హీరో మూవీ ఒకటి థియేటర్లలో సందడి చేయడానికి సిద్ధమవుతోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
దర్శకధీరుడు ఎస్ఎస్. రాజమౌళి దర్శకత్వంలో మాస్ మహారాజా రవితేజ హీరోగా వచ్చిన ‘విక్రమార్కుడు’ సినిమా త్వరలో రీ-రిలీజ్ కాబోతోంది. 2006లో విడుదలైన ఈ చిత్రం నాడు బాక్సాఫీస్ వద్ద బ్లాక్ బస్టర్ అయింది. తాజాగా ఈ సినిమాను తెలుగునాట టాప్ లీడింగ్ డిజిటల్ మీడియా అయిన ‘మ్యాంగో మాస్ మీడియా’ జూలై 27న ప్రేక్షకులముందుకు తీసుకొస్తోంది. ఈ క్రమంలో శనివారం 4కే వర్షన్లో విక్రమార్కుడు రీ-రిలీజ్ ట్రైలర్ విడుదల చేసింది.
ఇక ఇదిలావుండగా, రవితేజ ఇతర సినిమాల విషయానికొస్తే.. ఆయన హీరోగా నటిస్తున్న తాజా చిత్రం ‘మిస్టర్ బచ్చన్’. ‘నామ్ తో సునా హోగా’ అనే ట్యాగ్లైన్తో వస్తోన్న ఈ మూవీకి క్రేజీ డైరెక్టర్ హరీష్ శంకర్ దర్శకత్వం వహిస్తున్నాడు. భాగ్యశ్రీ బోర్సే కథానాయికగా నటిస్తుండగా.. సీనియర్ నటుడు జగపతి బాబు కీలక పాత్ర పోషిస్తున్నారు. వివేక్ కూచిభొట్ల సహ నిర్మాతగా పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్న ఈ చిత్రం త్వరలో ప్రేక్షకుల ముందుకురానుంది.
దీనితోపాటు మరోవైపు రవితేజ మైల్ స్టోన్ మూవీ #RT75 నిర్మాణ దశలో ఉంది. యువ రచయిత భాను బోగవరపు ఈ చిత్రంతో దర్శకుడిగా పరిచయం అవుతున్నారు. టాలీవుడ్ లేటెస్ట్ సెన్సేషన్ శ్రీలీల హీరోయిన్గా నటిస్తోంది. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
