సూపర్ స్టార్ కి ఎలాగైనా సూపర్ హిట్ ఇస్తా

ఒకప్పుడు డైరెక్టర్ గా తనకంటూ ప్రత్యేకమైన గుర్తింపు తెచ్చుకున్నాడు ఎస్ జే సూర్య. ఇక ఈమధ్య కాలంలో డైరెక్టర్ గా కంటే కూడా నటనపైనే ఎక్కువ ఫోకస్ పెడుతున్నాడు. ప్రస్తుతం ఎస్ జే సూర్య పలు సినిమాలతో బిజీగా ఉన్నాడు. అందులో మార్క్ ఆంటోని సినిమా కూడా ఒకటి. విశాల్ హీరోగా వస్తున్నఈ సినిమాలో సూర్య కూడా ఒక కీలక పాత్రలో నటిస్తున్నాడు. ఇక ఈ మూవీ తెలుగు ప్రీ రిలీజ్ ఈవెంట్ హైదరాబాద్ లో జరిగింది.

ఈ ఈవెంట్ లో పాల్గొన్న ఎస్ జే సూర్య పలు ఆసక్తికర వ్యాఖ్యలు చేశాడు. పవర్ స్టార్ పవన్ కళ్యాణ్ గారికి ఖుషి లాంటి సినిమాను ఇచ్చాను.. ఇక అజిత్ కు అలానే విజయ్ కు కూడా మంచి సక్సెస్ సినిమాను ఇచ్చాను.. కానీ సూపర్ స్టార్ మహేష్ బాబుకు మాత్రం ఇవ్వలేకపోయాను. మహేష్ తో నాని చేయగా నాని నటనకు మంచి మార్కులు పడ్డాయి అయితే ఆసినిమా పెద్దగా సక్సెన్ అవ్వలేదు.. కానీ రాబోయే రోజుల్లో సూపర్ స్టార్ తో సూపర్ హిట్ ఇచ్చి తీరుతానని అన్నారు ఎస్ జే సూర్య. మరి చూద్దాం ఫ్యూచర్ లో వీరిద్దరి కాంబినేషన్ లో సినిమా వస్తుందేమో..

ఈసినిమాతో పాటు తమిళ స్టార్ డైరెక్టర్ కార్తీక్ సుబ్బరాజు దర్శకత్వంలో వస్తున్న జిగర్ తండ డబుల్ ఎక్స్ సినిమాలో కూడా నటిస్తున్నాడు. ఈసినిమా కార్తీక్ దర్శకత్వంలోనే వచ్చి బ్లాక్ బస్టర్ హిట్ కొట్టిన జిగర్ తండ కు సీక్వెల్ అన్న సంగతి తెలిసిందే. ఈసినిమా ప్రస్తుతం రిలీజ్ కు సిద్దమవుతుంది. ఈసినిమా దీపావళికి రిలీజ్ కాబోతున్న నేపథ్యంలో ఒకపక్క పోస్ట్ ప్రొడక్షన్ పనులను కూడా ముగించుకుంటూనే మరోపక్క ప్రమోషన్ కార్యక్రమాలను మొదలుపెట్టింది. ఈసినిమాకు సంతోష్ నారాయణన్ సంగీతం అందిస్తుండగా.. తిరునవుక్కరుసు సినిమాటోగ్రఫి అందిస్తున్నారు. ఈ ఏడాది దీపావళికి ఈసినిమాను రిలీజ్ చేయనున్నారు.

ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్బేడ్ ఫిలిమ్స్