కిచ్చా క్రియేషన్స్ , షాలిని ఆర్ట్స్ , ఇన్వెనియో ఫిల్మ్స్ ఇండియా బ్యానర్స్ పై అనూప్ భండారి దర్శకత్వంలో సూపర్ స్టార్ కిచ్చా సుదీప్ హీరోగా భారీ బడ్జెట్ తో తెరకెక్కిన యాక్షన్ అడ్వెంచర్ ఫాంటసీ ” విక్రాంత్ రోణ”కన్నడ మూవీ జులై 28 వ తేదీ దక్షిణాది భాషలతో పాటు హిందీ భాషలో కూడా రిలీజ్ అయ్యి మిక్స్డ్ టాక్ వచ్చినా భారీ కలెక్షన్స్ తో దూసుకుపోతోంది. నీతా అశోక్ , జాక్వెలెన్ ఫెర్నాండెజ్ కథానాయికలు. నిరూప్ భండారి, రవిశంకర్ గౌడ ముఖ్య పాత్రలలో నటించారు. అజనీష్ లోక్ నాథ్ సంగీతం అందించారు.హీరో సుదీప్ తన పాత్రకు తగ్గట్లు లుక్స్ అండ్ నటన పరంగా ప్రేక్షకులను ఆకట్టుకున్నారు.హీరో సుదీప్ కెరీర్లోనే హైయెస్ట్ ఓపెనింగ్స్ను రాబట్టిన ” విక్రాంత్ రోణ” మూవీ నాలుగు రోజుల్లోనే ఈ సినిమా వంద కోట్ల క్లబ్ లో చేరడం విశేషం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
తాజాగా “విక్రాంత్ రోణ”మూవీ సక్సెస్ మీట్ హైదరాబాద్లో జరిగింది.సక్సెస్ మీట్ లో హీరో సుదీప్ మాట్లాడుతూ…తెలుగు సినీ పరిశ్రమ తన కు మరో ఇల్లు వంటిదనీ , ఇక్కడి ప్రేక్షకులు సినిమా నచ్చితే అద్భుత విజయాలు అందిస్తారనీ , మా సినిమా విడుదల సమయంలో నాగార్జున, అఖిల్, రాజమౌళి, ఆర్జీవీ లాంటి వాళ్లంతా సపోర్ట్ చేశారనీ , మా చిత్రానికి మంచి విజయాన్ని అందించిన ప్రేక్షకులకు థాంక్స్ చెబుతున్నా అన్నారు. దర్శకుడు అనూప్ భండారి మాట్లాడుతూ..రెండు దశాబ్దాలుగా కెరీర్ సాగిస్తున్నా..ఈ సినిమాలో ఓ కొత్త హీరోలాగా సుదీప్ నటించారనీ , కొన్ని యాక్షన్ సీక్వెన్స్లు చేసేప్పుడు గాయపడ్డారనీ , అయినా అదే స్ఫూర్తితో నటించి మాలోనూ ఉత్సాహాన్ని నింపారనీ , మా సినిమా కొత్త అనుభూతిని ఇచ్చిందని ఇవాళ ప్రేక్షకులు చెప్పడం సంతోషంగా ఉందనీ చెప్పారు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: