రాజమౌళి సినిమా అంటే ఆసినిమాకు ఎలాంటి క్రేజ్ ఉంటుందో ప్రత్యేకంగా చెప్పనక్కర్లేదు. ఈనేపథ్యంలోనే రాజమౌళి రూపొందించిన భారీ బడ్జెట్ సినిమా ఆర్ఆర్ఆర్ ను ఎప్పుడెప్పుడూ వెండి తెరపై చూద్దామా అని అభిమానులు ఆసక్తిగా ఎదురుచూస్తున్నారు. ఇక ఇప్పటి వరకూ సక్సెస్ రేట్ తప్పా ఫెయిల్యూర్ అంటే ఎలా ఉంటుందో తెలియని రాజమౌళి తన సినిమాకు ప్రమోషన్స్ ఎలా చేయాలో కూడా బాగా తెలుసు. తన ప్రతి సినిమా ప్రమోషన్స్ ను డిఫరెంట్ గా ప్లాన్ చేస్తాడు. ఇక ఇప్పుడు ఆర్ఆర్ఆర్ విషయంలో కూడా అదే జరుగుతుంది. అందుకే ప్రస్తుతం ఎక్కడ చూసినా ఆర్ఆర్ఆర్ సందడే కనిపిస్తుంది. ఈసినిమా ఈనెల 25న రిలీజ్ కానున్న నేపథ్యంలో ఈసినిమా ప్రమోషన్స్ ను ఓ రేంజ్ లో ప్లాన్ చేశాడు. దాదాపు 9 ప్రధాన నగరాల్లో సినిమా ప్రమోషన్లను చేస్తున్నారు. ఇక రాజమౌళి, ఎన్టీఆర్, రామ్ చరణ్ ముగ్గూరు కలిసి ఎక్కడా తగ్గకుండా క్షణం తీరిక లేకుండా వరుసగా ప్రమోషన్స్ లో పాల్గొంటున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఇదిలా ఉండగా ఇప్పటికే ఈసినిమాలో పలు ప్రత్యేకతలు ఉన్నాయి. రాజమౌళి భారీ బడ్జెట్ తో భారీ సెట్టింగ్‌, యాక్షన్‌ సన్నివేశాలతో విజువల్ ట్రీట్‌గా ఈ సినిమాను తెరకెక్కించారు. అయితే ఇప్పుడు ఆ విజువల్ ట్రీట్ ను ప్రేక్షకులకు మరో విజువల్ ట్రీట్‌ను అందించేందుకు సిద్ధమైంది చిత్ర యూనిట్‌. ఆర్ఆర్ఆర్ చిత్రాన్ని ఏకంగా 3డీ వెర్షన్‌లో విడుదల చేయనున్నారు. ఈ విషయాన్ని చిత్ర యూనిట్‌ అధికారంగా ప్రకటించింది.
Experience never-seen-before action and drama in 3D at cinemas near you from March 25th. 🔥🌊😎#RRRin3D #RRRMovie #RRROnMarch25th pic.twitter.com/bGJeNf9nwU
— RRR Movie (@RRRMovie) March 20, 2022
కాగా భారత స్వాతంత్ర సమరయోధులు అల్లూరి సీతారామరాజు, కొమరం భీమ్ జీవితాల ఆధారంగా తెరకెక్కిన ఫిక్షన్ డ్రామా ‘ఆర్ఆర్ఆర్’. అల్లూరిగా రామ్చరణ్, కొమురం భీమ్గా ఎన్టీఆర్ నటించారు. రామ్ చరణ్ సరసన బాలీవుడ్ బ్యూటీ అలియా భట్ నటిస్తుండగా.. ఎన్టీఆర్ సరసన హాలీవుడ్ భామ ‘ఒలివియా మోరిస్’ నటిస్తుంది. ఇక ముఖ్యమైన పాత్రల్లో బాలీవుడ్ స్టార్ హీరో అజయ్ దేవగన్, సముద్రఖని, రే స్టీవెన్సన్, ఆలిసన్ డూడి కూడా నటిస్తున్నారు. డీవీవీ ఎంటెర్టైన్మెంట్స్ పతాకం పై దానయ్య ఈ సినిమాని నిర్మిస్తున్నారు. ఈ చిత్రానికి కీరవాణి సంగీతం అందిస్తున్నారు. సెంథిల్ కుమార్ సినిమాటోగ్రఫి అందిస్తున్న ఈ మూవీ తెలుగుతో పాటు హిందీ, తమిళ, కన్నడ, మలయాళం భాషల్లో విడుదల కానుంది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
