సినిమా టికెట్ల రేట్ల విషయంలో ఏపీ ప్రభుత్వానికి ఇండస్ట్రీకి మధ్య చర్చలు జరుగుతూనే ఉన్నాయి. అయితే రెమ్యునరేషన్లు కాకుండా వంద కోట్లు బడ్జెట్ దాటిన సినిమాలకు టికెట్ రేట్లు పెంచుకునేందుకు దరఖాస్తు చేసుకునే అవకాశం ఇచ్చారు. ఈనేపథ్యంలోనే పెద్ద సినిమాలకు మాత్రం ప్రభుత్వం అనుమతులు ఇస్తూనే ఉంది. రీసెంట్ గానే రాధేశ్యామ్ సినిమాకు ఏపీ ప్రభుత్వం అనుమతులు ఇవ్వగా ఇప్పుడు ఆర్ఆర్ఆర్ సినిమాకు కూడా గ్రీన్ సిగ్నల్ ఇచ్చింది. భారీ బడ్జెట్ తో ఈసినిమాను తెరకెక్కించడంతో ఈసినిమా రేట్లు పెంచుకునే వెసలుబాటు ఇవ్వాల్సిందిగా ఇప్పటికే మేకర్స్ ఏపీ ప్రభుత్వాన్ని సంప్రదించారు. దీంతో తాజాగా ఏపీ ప్రభుత్వం అనుమతి ఇచ్చింది. ఈ సినిమా టికెట్పై మరో రూ. 75 పెంచుకునేందుకు అనుమతిస్తూ ఉత్తర్వులు జారీ చేసింది. మొదటి 10 రోజులు పెంపునకు అనుమతి ఇచ్చింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
రాజమౌళి దర్శకత్వంలో ఎన్టీఆర్, రామ్ చరణ్ హీరోలుగా తెరకెక్కిన మల్టీస్టారర్ ఆర్ఆర్ఆర్ భారీ బడ్జెట్, హై టెక్నికల్ వేల్యూస్, స్టార్ కాస్టింగ్ తో ఈసినిమా తెరకెక్కడంతో ఈసినిమాపై భారీ అంచనాలు ఉన్నాయి. మార్చి 25న ఈ చిత్రం విడుదలకానున్న నేపథ్యంలో ప్రస్తుతం అయితే చిత్రయూనిట్ ప్రమోషన్లతో బిజీ బిజీగా ఉన్నారు. కేవలం సౌత్ లో మాత్రమే కాదు నార్త్ ఇంకా విదేశాల్లో కూడా ప్రమోషన్ కార్యక్రమాలు ఏర్పాటు చేశారు.
ఈ సినిమాలో చరణ్ ‘మన్నెం దొర అల్లూరి సీతారామరాజు’గా కనిపిస్తుండగా తారక్ ‘కొమరం భీమ్’ పాత్రలో నటిస్తున్నాడు. ఇక ఈ సినిమాలో రామ్ చరణ్ సరసన బాలీవుడ్ బ్యూటీ అలియా భట్ నటిస్తుండగా.. ఎన్టీఆర్ సరసన హాలీవుడ్ భామ ‘ఒలివియా మోరిస్’ నటిస్తుంది. ఇక ముఖ్యమైన పాత్రల్లో బాలీవుడ్ స్టార్ హీరో అజయ్ దేవగన్, సముద్రఖని, రే స్టీవెన్సన్, ఆలిసన్ డూడి కూడా నటిస్తున్నారు. డీవీవీ ఎంటెర్టైన్మెంట్స్ పతాకంపై దానయ్య నిర్మిస్తున్న ఈ సినిమాకు కీరవాణి సంగీతం అందిస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: