‘అశోక వనంలో అర్జున కళ్యాణం’ టీజర్ రిలీజ్

ఈ నగరానికి ఏమైంది, ఫలక్ నూమా దాస్ నుండి రీసెంట్ గా వచ్చిన పాగల్ వరకూ విభిన్నమైన కథలతో మెప్పిస్తున్నాడు యంగ్ హీరో విశ్వక్ సేన్. ఇక ఈసారి కాస్త రూటు మార్చి ‘అశోక వనంలో అర్జున కళ్యాణం’ అనే సినిమాతో వస్తున్నాడు. ఈసినిమా ప్రస్తుతం పోస్ట్ ప్రొడక్షన్ పనులను శరవేగంగా జరుపుకుంటుండగా.. మరోవైపు ప్రమోషన్స్ కూడా చేసేస్తున్నారు. ఇప్పటికే ఈసినిమా ప్రమోషన్స్ ను కొంచం డిఫరెంట్ గా స్టార్ట్ చేశారు. హీరో పోస్టర్ నే త‌న‌కు ముప్పై ఏళ్లు అవుతున్నా పెళ్లి కావ‌డం లేద‌ని జుట్టు పోతుంద‌ని, పొట్ట వ‌చ్చేస్తుంద‌ని క్యారెక్ట‌ర్‌ను చ‌క్క‌గా రివీల్ చేశారు. ఆ తరువాత రీసెంట్‌గా విశ్వ‌క్ సేన్ త‌న‌కు అమ్మాయి దొరికేసిందంటూ సోష‌ల్ మీడియాలో చేసిన పోస్ట్‌కు కూడా మంచి స్పంద‌నే వ‌చ్చింది. రీసెంట్ గానే ఒక పాటను కూడా రిలీజ్ చేశారు.

ఇక ఇదిలా ఉండగా ఇప్పుడు ఈసినిమా నుండి టీజర్ కూడా రిలీజ్ చేశారు. టీజర్ కూడా చాలా ఫ్రెష్ గా ఉండి ఆకట్టుకుంటుంది. టీజర్లో ఏజ్ పెరిగిపోయిన అబ్బాయికి పెళ్లి కుదిరితే, అది కూడా ఇంటర్ క్యాస్ట్ మ్యారేజ్ సెట్ అయితే ఎలాంటి పరిస్థితులు ఎదుర్కున్నాడు, మ్యారేజ్ తర్వాత ఆ అమ్మాయితో ఎలా ఉన్నాడు అనేది కథ. కామెడీ ఎంటర్ టైనర్ గా, ఎమోషన్ గా ఈసినిమాను తెరకెక్కించినట్టు అర్థమవుతుంది టీజర్ ను చూస్తుంటే.

కాగా రుక్సార్‌ దిల్లాన్‌ ఈసినిమాలో హీరోయిన్ గా నటిస్తుంది. ఈసినిమాను ప్రముఖ నిర్మాత బీవీఎస్ఎన్ ప్రసాద్ సమర్పణలో శ్రీవెంకటేశ్వర సినీ చిత్ర బ్యానర్ పై బాపినీడు, సుధీర్ నిర్మిస్తున్నారు. జయ ఫణి సంగీతం అందిస్తున్నాడు. సినిమాటోగ్రాఫర్ గా ప‌వి కె.ప‌వ‌న్‌ పనిచేస్తున్నారు. ఇక టీజర్ తో పాటు రిలీజ్ డేట్ ను కూడా ప్రకటించారు. మార్చి 4వ తేదీన ఈసినిమాను రిలీజ్ చేయనున్నట్టు తెలిపారు.

[subscribe]