మీరు ఆసక్తిగా ఎదురుచూస్తున్న సంక్రాంతి సినిమా..?

January 10, 2022

సంక్రాంతి వచ్చిందంటే బాక్సాఫీస్ వద్ద సినిమాల సందడి ఎలా ఉంటుందో ప్రత్యేకంగా చెప్పనక్కర్లేదు. అయితే ప్రతి ఏడాది సంక్రాంతికి పెద్ద పెద్ద సినిమాల మధ్య వార్ నడిచేది అయితే ఈ ఏడాది కాస్త విభిన్నంగా చాలా వరకూ చిన్న సినిమాలు కొత్త హీరోల సినిమాలు ఎక్కువగా పోటీకి దిగుతున్నాయి. ఒక రకంగా గత ఏడాదితో పోల్చుకుంటే ఈ ఏడాది కొంచం బెటర్ అని చెప్పొచ్చు. కరోనా వల్ల గత ఏడాది ఒకటి రెండు సినిమాలే రిలీజ్ అయ్యాయి. అయితే పరిస్థితులు బాగుండి ఉంటే రాధేశ్యామ్, ఆర్ఆర్ఆర్, భీమ్లానాయక్, వాలిమై ఇలా చాలా పెద్ద సినిమాలు రిలీజ్ అయి ఉండేవి. కానీ తెలిసిందే కదా. కరోనా థర్డ్ వేవ్ వల్ల మళ్లీ థియేటర్లలో ఆక్యూపెన్సీ తగ్గించడం.. కొన్ని ప్రాంతాల్లో ఏకంగా థియేటర్లు మూసివేయడంతో పెద్ద సినిమాలు అన్నీ వాయిదా పడ్డాయి. అయితే సినీ లవర్స్ కు కాస్త ఊరటనిచ్చేలా చిన్న సినిమాలు సందడికి రెడీ అయ్యాయి. సంక్రాంతికి వస్తున్న ఒకే ఒక్క పెద్ద సినిమా బంగార్రాజు. జనవరి 14న విడుదల కానుంది. అది కాకుండా.. రౌడీ బాయ్స్, హీరో, సూపర్ మచ్చి, డీజే టిల్లు లాంటి సినిమాలు రిలీజ్ అవుతున్నాయి. వీటిలో ఎన్ని సినిమాలు హిట్ అవుతాయి.. ఎన్ని సినిమాలు ఫట్ అవుతాయి చూడాలి. మరి వీటిలో మీరు ఏ సినిమా కోసం ఆసక్తిగా ఎదురుచూస్తున్నారో మీ ఓటు ద్వారా తెలపండి..