ప్రస్తుతం సోషల్ మీడియా వాడకం ఎలా ఉంటుందో చూస్తూనే ఉన్నాం. అన్ని రకాలుగా సోషల్ మీడియాను వాడేస్తున్నారు. దీనికి సెలబ్రిటీలు మినహాయింపేం కాదు. వాళ్లు కూడా తమ అభిమానులకు సోషల్ మీడియా ద్వారానే దగ్గరగా ఉంటున్నారు. అంతేకాదు సెలబ్రిటీలకు ఇందుకో కూడా పోటీనే. ఎవరికి ఎక్కువ మంది ఫాలోవర్స్ అంటే అంత క్రేజ్ ఉన్నట్టు. ఇక దీనిలో కూడా మన హీరోలు ఎప్పటికప్పుడు రికార్డులు క్రియేట్ చేస్తూనే ఉన్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఇప్పుడు సోషల్ మీడియాలో మరో రేర్ ఫీట్ ను సాధించాడు రామ్ చరణ్. ఇన్ట్సాలో 5 మిలియన్ ఫాలోవర్స్ ను సాధించి కొత్త రికార్డ్ నెలకొల్పాడు. చరణ్ కు ఉన్న క్రేజ్ కు ఇది చాలా తక్కువే కానీ అందరి కంటే చరణ్ సోషల్ మీడియాకు కాస్త దూరమనే చెప్పాలి. 2019 జూలైలో రామ్ చరణ్ ఇన్ స్టా ఖాతా ఓపెన్ చేసిన సంగతి తెలిసిందే. అయినా కూడా చాలా తక్కువగా యాక్టీవ్ లో ఉంటారు. అయితే కాస్త ఆర్ఆర్ఆర్ సినిమా అప్ డేట్స్ రెగ్యులర్ గా ఇవ్వడంతో మళ్ళీ చెర్రీ ఇన్ స్టా ఫాలోవర్స్ సంఖ్య పెరగడం మొదలైంది. అంతగా యాక్టివ్ కాకపోయినప్పటికీ ఫాలోవర్స్ పెరగడమే చెర్రీ రికార్డు గా చెప్పుకోవాలి.
మెగా పవర్ స్టార్ చరణ్ కూడా స్పీడ్ పెంచుతున్నాడు. గత మూడేళ్లుగా ఒకే సినిమాకు కమిట్ అయిన చరణ్ ఇప్పుడు వరుస పెట్టి సినిమాలు చేయడానికి రెడీ అవుతున్నాడు. ఇప్పటికే రాజమౌళి దర్శకత్వంలో వస్తున్న ఆర్ఆర్ఆర్ సినిమా రిలీజ్ కు సిద్దంగా ఉంది. నిజానికి జనవరి 7న రిలీజ్ అవ్వాలి కానీ ఓమిక్రాన్ ప్రభావం పెరుగుతుండటం.. థియేటర్లు మూత పడుతుండటంతో సినిమా రిలీజ్ ను వాయిదా వేశారు. ఇక ప్రస్తుతం శంకర్ దర్శకత్వంలో తెరకెక్కుతున్న తన 15వ సినిమా షూటింగ్ ను మళ్లీ స్టార్ట్ చేసేందుకు రెడీ అవుతున్నట్టు తెలుస్తుంది. ఇంకా ఈసినిమా తరువాత చాలా సినిమాలు చరణ్ లిస్ట్ లో ఉన్నాయి.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
